Dielulula 29:1 - MUKANDA WA MYIDI MUKULU

¹ Moshe kubikila bena Izrayele bonsu, kubambila ne: — Panuvua mu Ejipitu, nuvua badimuene muvua Maweja-Nangila mukengeshe mukalenga wa bena Ejipitu, balombodi ba mu bukalenga buende, ne bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Â mmei a tshihungidi akambila Yehowa Mose bua kuhanga ne Bena Isalele mu buloba bua Moaba, ku mutu kua tshihungidi tshiakahungeye nʼabo mu Holeba.

Dielulula 29:1 交叉引用

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

2 Bakalenga 23:3

Pashishe, mukalenga kuimana pabuipi ne dikunji dia ku nzubu wa Mvidi Mukulu, kutuaye ndondu ne Maweja-Nangila tshiakabidi. Muntu yonsu kuitaba bua kulamata Maweja-Nangila, ne kukumbaja ne muoyi mujima, meyi ende, mikenji yende, ne mikandu yende, ne kuitaba kabidi, bua kukumbaja bionsu bivua mu mukanda wa ndondu. Bantu bonsu kuitaba mua kuenza nanku.

Bienzedi 3:25

Nuenu nudi bantu bavua Mvidi Mukulu mulaye kudi bambi. Nudi bantu bavua Mvidi Mukulu mutuile ndondu ne bankambua babu, pavuaye muambile Abrahame ne: “Bisamba bionsu bia pa buloba nebipetele diakalenga ku ndelanganyi yebe.”

Yirmeya 34:18

“Bamfumu ba bena Yuda ne ba mu Yerushalayime, balombodi ba bantu, batuangaji, ne bantu bonsu bavua kabayi bapika, bavua bumvuangana nanyi. Bavua bateke mu bitupa bibidi munyinyi wa muana wa nyama wa ngombe uvuabu basaye. Kupitshilabu munkatshi mua nseke yonsu ibidi ya nyama. Kadi bantu aba mbanyange ndondu. Kabena bakumbaje bivuabu balaye.

Yirmeya 11:6

Maweja-Nangila kungambila kabidi ne: — Bualu ebu, ubuambe mu bimenga bia Yuda too ne mu misesu ya mu Yerushalayime: “Nunemeke ndondu utudi batue nenu, numukumbaje.

Yirmeya 11:2

“Nunemeke ndondu umvua mutue nenu. Kuambaye kabidi ne: — Wambile bena Yuda ne bena Yerushalayime,

Dielulula 29:25

Bena ditunga bavua batendelela mvidie ya bisamba bikuabu bivuabu kabayi bamanye, ivua Maweja-Nangila mubakandike, bua kabayenzedi mudimu.

Dielulula 29:21

Ndelanganyi yenu, ne bantu benyi badi munkatshi muenu bafume ku matunga a kule, pamonabu mushindu udi Maweja-Nangila munukengeshe ne bipupu, nebambe ne:

Dielulula 29:12

Nanku nuenu bena Izrayele, nenuikale tshisamba tshia Maweja-Nangila Mvidi Mukulu wenu. Yeye neikale Mvidi Mukulu wenu, bu muvuaye mumane kunulaya, muditshipe kabidi kudi bankambua benu, Abrahame, Izake ne Yakobe.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Dielulula 4:13

Kunumanyishaye ndondu wenu nende. Uvua munuambile bua nunemeke ndondu, nukumbaje mikenji dikumi ivuaye mufunde pa mabue abidi.

Lewitiki 26:46

Nanku ebi ke mikenji ne meyi ne malongesha, bivua Maweja-Nangila mumanyishe Moshe pa mukuna wa Sinayi bua ambile bena Izrayele.

Lewitiki 27:34

Nenku ke mikenji ivua Maweja-Nangila mumanyishe Moshe pa mukuna wa Sinayi, bua ambile bena Izrayele.

Dielulula 28:68

Pashishe Maweja-Nangila neanuambule mu maatu, anupingaje kabidi mu Ejipitu, ditunga dimvua munuambile ne: kanuena mua kumufika kabidi. Muine amu, nuenu bonsu balume ne bakaji nenukebe kua kudisumbisha bu bapika kudi baluishi benu. Kadi muntu nansha umue kakunusumba to!

Dielulula 29:2

Nuvua badimuene bipupu bikole bivuaye mubakengeshe nabi, ne bishima bia dikema bivuaye muenze.

Dielulula 1:1

Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

Misambu 105:27

Ku bukole buende kuenzabu bishima munkatshi muabu, kuenzabu malu a kukema mu ditunga dia Kame.