Dielulula 28:8 - MUKANDA WA MYIDI MUKULU

⁸ Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa nea-nuvudishile disanka mu bisasa bienu, ne mu malu onso anudi nuenza ne bianza bienu; neanuvudishile disanka mu buloba budi Yehowa, Nzambi wenu, nnuha.

Dielulula 28:8 交叉引用

Dielulula 15:10

Nanku nuikale ne muoyi muimpe, nusombeshe mupele tshintu tshidiye ulomba. Nuenu benze nanku, Maweja-Nangila Mvidi Mukulu neanusankishe mu bionsu binudi nuenza.

Lewitiki 26:10

Nenunowe biakudia bia bungi. Nenuhidie matuku mavule. Bua kupeta muaba wa kulama bipiabipia, anu nuenu banji kumusha bia kale.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Luke 12:18

Kuambaye ne: “Ndi musue kuenza nenku: nengupule mayeba anyi a kale. Nengase makuabu mapite bunene. Nentekelemu ntete yanyi yonsu ya kuenza bukula, kabidi ne bintu bianyi bikuabu bionsu.

Matayi 6:26

Tangilayi nyunyi idi ibuka mulu. Kayena ikuna biakudia, kayena inowa, kayena nansha iteka biakudia mu mayeba. Kadi Tatu wenu udi mu diulu udi uyidisha! Nuenu bantu, kanuena bapite nyunyi anyi?

Misambu 42:8

Udi ungitshikijila mayi a muenji, mavuala enda avulangana, bipitshila bionsu pambidi panyi! Meme kudiina mu mayi ne kasuki!

Lewitiki 25:21

Kadi meme Maweja-Nangila ndi ngamba ne: mu tshidimu tshisambombu, nennuvudijile biakudia bia bungi, bikumbane bua bidimu bisatu.

Agayi 2:19

Mu mayeba enu kanutshiena ntete ya kuenza bukula to. Mionji yenu ya nwinyo, mitshi ya mfiku, mitshi ya ngrenade, mitshi ya olive, kabivua bikuama to. Kadi biangatshile dituku dia lelu, nennusankishe. Mitshi yenu neakuame.

Misambu 144:13

Mayeba etu uwule ne bintu bia mishindu yonsu! Mikoku yetu mu mpata, ivulangane misangu tshinunu, nansha misangu binunu dikumi!

2 Bakalenga 6:27

Kadi mukalenga kumuandamuna ne: — Pikala Maweja-Nangila kayi ubambuluisha, meme nenkuambuluishe ne tshinyi? Bualu kakuena kushala ntete ya kuenza bukula nansha maluvu.

Matayi 13:30

Lekelayi, bionsu bikolele pamue too ne ku tshikondu tshia dinowa. Diba adi nengambile badi banowa ne: ‘Julayi bangabanga lupeta. Lusuikayi mu bisumbu bua kuluosha. Pashishe nuteke ntete mimpe mu diyeba dianyi.’ ”

Misambu 44:4

Bankambua betu kabavua bakuate ditunga adi, ku muele wabu wa mvita, nansha ku bukole bua diboku diabu, kadi amu ku diambuluisha diebe, ne ku bukole buebe. Uvua nabu diba dionsu, bualu uvua mubanange.

Dielulula 15:4

Kadi Maweja-Nangila Mvidi Mukulu wenu, neanuambuluishe, bua nupete bintu bia bungi mu ditunga didiye munupe. Nanku munkatshi muenu kamuakuikala bapele to,

Dielulula 28:7

Maweja-Nangila neanuambuluishe bua nutshimune baluishi benu. Pikalabu bavuile njila umue, nebanyeme bapingena mu njila muanda mutekete mishilangane.

Dielulula 28:20

Nanku, Maweja-Nangila neanuendeshe diakabi mu bionsu binudi nuenza: nenuikale ne makenga, ntatu ne bowa, too ne panuabutuka bonsu lukasa, bualu nudi benze malu mabi, babenge Maweja-Nangila.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 128:2

Usanke ne tshiudi mupete ku mudimu webe. Wikale ne disanka, malu ebe onsu neikale bimpe!