Dielulula 27:15 - MUKANDA WA MYIDI MUKULU

¹⁵ “Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Muntu yonso udi usonga luhingu anyi udi wenza luhingu ne tshiamu tshiakatulabo kudi muntu udi ne lungenyi lule, udi kujadika mu musokoko, ntshintu tshibi ku mesu kua Yehowa, udi ne mulau. Bantu bonso nebakudimune dî ne, Amen.

Dielulula 27:15 交叉引用

Ekesode 34:17

“Kanuenji mvidie ya tshiamu bua kuyitendelela.

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Dielulula 5:8

“Kanusongi lupingu, kanuzodi tshimfuanyi tshidi tshileja tshintu tshidi mu diulu, pa buloba, nansha mu mayi adi muinshi mua buloba.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Lewitiki 19:4

“Kanuena mua kutendelela mvidie ya dishima to. Kanuena mua kuengulula biamu bua kufula mpingu, kuyitendelela. Bualu Meme ndi Maweja-Nangila Mvidi Mukulu wenu.

1 Korente 14:16

Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

Ekesode 20:23

Kanuenji mpingu ya mvidie, mifula ne biamu bitoke bia mushinga mukole nansha ne mpawungi. Kanuenji mvidie inudi nutendelela pamue nanyi!

2 Kulondolola 33:2

Menashe uvua wenza malu avua Maweja-Nangila mubenge. Uvua muenze malu mabi onsu avua bantu ba bisamba bikuabu benza. Maweja-Nangila uvua mubipate bua bashile bena Izrayele ditunga.

2 Bakalenga 23:13

Yoshiya kunyangakaja miaba ya kutendelela ivua mukalenga Shelomu muibake kuinshi kua mukuna wa Olive, udi mutangilangane ne tshimenga tshia Yerushalayime. Miaba ayi, bavua batendelela Astarte, mvidie mukaji wa buenzayi wa bena Sidone, Kemoshe, mvidie muena buenzayi wa bena Mowabe, kabidi Milkome, mvidie mubi wa bena Amone.

2 Bakalenga 17:19

Kadi, bena Yuda kutombokela kabidi Maweja-Nangila, kubenga meyi a Maweja-Nangila Mvidi Mukulu wabu. Kulondabu bilele bivuabu babueje mu bukalenga bua bena Izrayele.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

Dielulula 29:17

Nanku muntu nansha umue wa kunudi, ne mulume ne mukaji, tshisamba nansha tshimue, diku nansha dimue, kanuena mua kubenga Maweja-Nangila Mvidi Mukulu wetu bua kutendelela mvidie ya bisamba ebi to. Bualu muntu udi wenza nanku, udi bu mutshi wa lulengu munkatshi mua bantu.

Dibadika 5:22

Diba adi mayi aa a kutshipa nawu muntu, akutue munda, akuwuje difu, ushale nkumba.’ Mukaji awu neandamune ne: ‘Amene! Bienzeke nanku!’

Genese 31:34

Rakele uvua muangate mpingu ayi, muyisokoke muinshi mua biseba bivua bitenteka pa kamelu, musombapu. Labane kukala mu nzubu muonsu. Kena mupete mpingu mu ntenta wa Rakele to.

Genese 31:19

Kadi pavua Labane muye kukosa miosa ya mikoku yende, Rakele kuiba mpingu ileja mvidie ivua bena diku dia tatuende Labane batendelela.

Genese 9:25

Kumuelaye mulawu wamba ne: “Kenaane ikale muena diakabi! Ikale mupika wa bana babu.”

Yezekiyele 7:20

Bavua baditambisha bua bintu bia mushinga bivuabu nabi. Bavua benza nabi mpingu ya kutendelela nayi mvidie mibi ya patupu. Ke padi Maweja-Nangila wamba ne: Biamu biabu ebi nebaatangile bu bintu bidi bikuatshisha muenge.

Yirmeya 28:6

— Eyowa, ndi njinga bua Maweja-Nangila enze bu muudi wamba amu, akumbaje biuvua muambe, apingaje bintu bia tshijila bia mu nzubu wa Mvidi Mukulu bidi mu Babilone, ne bantu bonsu badi mu bupika.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yirmeya 11:5

Nanku, nenkumbaje dilaya dimvua mulaye bankambua benu dia kubapesha ditunga didi ne mabele ne buitshi. Ditunga edi ke dinudi basombe lelu edi.” Meme kuitaba ne: — Eyowa, Maweja-Nangila.

Yirmeya 11:3

ubumvuije ne: Maweja-Nangila Mvidi Mukulu wa Izrayele, udi wamba ne: Muntu yonsu udi kayi unemeka ndondu undi mutue ne bantu banyi, muntu awu mmuena tshibawu.

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”

Yeshaya 44:17

Ne tshitupa tshikuabu tshia mutshi ewu, badi basonga natshi mvidie. Badi badisongela lupingu, bimana kumpala kualu, bantendelela, bamba ne: “Udi mvidie wetu, tupandishe!”

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Yezekiyele 14:4

Ubambile bindi meme Maweja-Nangila Mvidi Mukulu mbamanyisha ne: “Padi muena Izrayele udi mutekemene amu kudi mvidie yende idi imufikisha ku bubi, ufika bua kumonangana ne muambi, kumukonka malu, meme Maweja-Nangila nemmuandamune, bilondeshile bungi bua mvidie idi muena Izrayele awu utendelela.

Dielulula 27:14

Nanku bena Levi, nebamanyishe bena Izrayele bonsu ne diyi dikole, mitshipu eyi ne:

1 Kulondolola 16:36

Elayi Maweja-Nangila Mvidi Mukulu wa Izrayele, tuasakidila, numuelayi tuasakidila lelu ne kashidi. Bantu bonsu kupunguluja ne: “Amene! Tumbishayi Maweja-Nangila!”

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Dielulula 4:25

Nuenu bamane kushala matuku a bungi mu ditunga edi, didi Maweja-Nangila munulaye, nuenu bamane kulela bana, bapete ne bikulu, kanuenji bibi to. Kanusongi mpingu, kanuzodi bimfuanyi, bia tshintu nansha tshimue. Kanuenji malu mabi makuabu, adi Maweja-Nangila Mvidi Mukulu wenu ubenga, amufikisha munda.

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Balombodi 17:3

Mika kupingajila mamuende nkanu ayi tshinunu ne lukama. Mamuende kumuambila ne: — Ndi mumane kujadika bua kujidila nkanu eyi, ishale mu dina dia Maweja-Nangila, bua mutshipu kaukukuatshi wewe muananyi. Nkanu eyi neyikuambuluishe bua kuenza lupingu lua tshiamu tshienguluke. Nanku ndi nkupesha nkanu eyi mpindiewu.

Balombodi 17:4

Kadi Mika kupingajila tshiakabidi mamuende nkanu eyi. Mamuende umusha nkanu nkama ibidi, kupeshaye nsenda wa biamu. Awu kuenza lupingu lua tshiamu tshienguluke. Kutekabu lupingu alu mu nzubu wa Mika.

Yeshaya 44:13

Musongi wa mpingu ya mitshi, udi uteka tshipimu pa mutshi, ufunda tshimfuanyi tshia lupingu ne lupemba. Udi utuadija mudimu ne ntapu wa mutshi, pashishe ubulunguja ne dikangu. Udi usonga lupingu luleja mpala wa muntu, mpala muimpe mutambe. Kadi badi baluteka mu nzubu, kaluyi lunyunga.