Dielulula 25:2 - MUKANDA WA MYIDI MUKULU

² Pikala muntu udi mupite mupete dinyoka dia kumutuuta mikaba bungi kampande, mulumbuluishi neamuladike panshi, bamututshishe mikaba ayi bungi bukumbanyine tshitema tshivuaye muenze, mulumbuluishi muikale koku.

Mukanda wa Nzambi Dihungila Dikulukulu ne Dihungila Dihia-dihia 2003

² Bikala muntu mubi mukumbane bua kukumibua, hashishe mulumbuluishi neamuladike hanshi, nebamukume ku mpala kuandi; bungi bua mikumu nebuikale bu bubi buandi.

Dielulula 25:2 交叉引用

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 2:20

Kadi paudi umvua ne lutuulu mituutu idibu bakutuuta, bualu uvua muenze bibi, udi mua kupeta lumu anyi? Nanku paudi ukenga, ulama lutuulu, bualu uvua muenze bimpe, Mvidi Mukulu neakuele lupemba.

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.

Matayi 27:26

Nanku Pilate kubalekela Barabase, kututshisha Yezu mikaba. Kutumaye kabidi diyi bua bapopele Yezu pa mutshi mutshiamakane.

Matayi 10:17

Nudimuke, bualu bantu nebanufile ku bilumbuluilu binene, kabidi nebanukumishe mikaba mu nzubu yabu ya kutendelela.

Bienzedi 23:3

Ke Polu kumuamba ne: — Wewe muena mpala ibidi, Mvidi Mukulu neakutuute! Udi apa bua kundumbuluisha bilondeshile mikenji. Kadi wewe mene udi ushipa mikenji, wamba bua kuntuutabu!

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Nsumuinu 19:29

Bena ditambisha nebabanyoke. Muntu mutatakane nebamutuute.