Dielulula 22:9 - MUKANDA WA MYIDI MUKULU

⁹ Kanukunyi bintu bia mushindu mukuabu mu budimi bua mitshi ya maluvu a mvinyo. Bualu nuenu benze nanku, bintu bionsu binudi nunowa mu budimi abu, tumuma tua mvinyo ne bikunyibua bikuabu, nebishale bia tshijila bia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kanukunyi ntete ya mishindu ibidi mishilangane mu budimi bua tumuma tukese, anyi nebajidile bintu bionso biakadiundamu ne ntete inuakukuna ne tumuma tukese tudi mitshi ei ikuama.

Dielulula 22:9 交叉引用

Lewitiki 19:19

“Nulame kabidi mikenji eyi: Kanuteki mu bimuna bienu nyama ya mishindu ibidi mishilangane bua kulelanganayi. Kanumiaminyi mu madimi enu maminu a mishindu ibidi mishilangane. Kanuvuadi bilamba bitela ne manda a mishindu ibidi mishilangane.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

Matayi 9:16

Muntu kena mua kulamika tshitetela tshia ku tshilamba tshipiatshipia ku tshilamba tshikulukulu to. Bualu tshitetela etshi netshipande tshilamba tshikulukulu. Nanku muaba uvua mupandike neudiunde.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.

Rome 11:6

Uvua mubasungule, bualu uvua mubanange. Kavua mubasungule bua midimu ivuabu benze nansha. Tshianana, luse luende kaluvua luse menemene to.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.