Dielulula 21:23 - MUKANDA WA MYIDI MUKULU

²³ tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

Mukanda wa Nzambi Dihungila Dikulukulu ne Dihungila Dihia-dihia 2003

²³ kabashiyi tshitalu tshiandi ku mutshi butuku bujima, bamujike anu dituku adi mene; muntu yonso muowa ku mutshi udi muedibue mulau kudi Nzambi; kanunyangi buloba budi Yehowa, Nzambi wenu, unuha bua nuenu kubuhiana.

Dielulula 21:23 交叉引用

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Yowanane 19:31

Dituku adi divua dia ditanu. Bena Yuda kabavua basue bua bitalu bishale pa mitshi mitshiamakane too ne dituku diabu dia Dikisha. Bualu dituku dia Dikisha adi divua dinene. Kulombabu Pilate bua kutshibulabu mikolu ya bavuabu bele ku mitshi mitshiamakane, ne bua kumusha bitalu ku mitshi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Lewitiki 18:25

Nenku ditunga kabidi divua dimane kupia mikiya. Ke mumvua mudinyoke. Dikadi dibenga benadi.

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

Dibadika 25:4

Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.

Yoshua 8:29

Pashishe kuelabu mukalenga wa Ayi kulu kua mutshi, kumowabu. Tshitalu tshiende kushala ku mutshi aku too ne ku dilolu. Pambi diba kubuela, Yoshuwa kutuma diyi bua batutete tshitalu atshi. Bavua batshimansha pabuipi ne tshiibi tshia tshimenga tshia Ayi. Pashishe kungujilabu mushiki wa mabue pa tshitalu atshi. Mabue awu atshidipu too ne ku lelu.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

Yoshua 7:12

Ke padi bena Izrayele kabayi mua kupita kabidi baluishi babu bukole to. Nebanyeme babutuke bonsu. Meme tshiakuikala kabidi munkatshi muenu to, amu nuenu bamane kubutula bintu bionsu, bi-mvua munukandike, binuvua bangata.

2 Samuele 21:6

Nanku batupeshe bantu balume muanda mutekete ba ku ndelanganyi ya Shawule. Netubowe kumpala kua Maweja-Nangila ku Ngibeya, mu tshimenga tshivuabu basombe kudi Shawule, mukalenga uvua Maweja-Nangila musungule. Mukalenga Davide kuitaba ne: — Eyowa, ndi nnupesha.

Dielulula 7:26

Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

2 Samuele 21:10

Rispa, mukaji mukamba uvua Shawule mushiye, kuangata tshilamba tshikayabale tshivuaye muvuale, kutshibuikila pa lubuebue. Kusombaye muaba awu, biangatshile ku ntuadijilu kua dinowa too ne ku tshikondu tshiwa mvula mutuadije kutokela bitalu bia bana abu. Mu munya, mukaji awu uvua wipata nyunyi bua kayikidi pa bitalu abi. Butuku uvua wipata nyama ya tshisuku bua kayifiki muaba awu.

Yezekiyele 39:12

Bena Izrayele nebikale ne mudimu ngondu muanda mutekete wa kujika bitalu bia bantu aba, ne wa kumusha mikiya mu ditunga.

Dielulula 4:21

Kadi Maweja-Nangila mmumfikile meme Moshe munda bualu buenu, muditshipe wamba ne: “Kuena mua kusabuka musulu wa Yardene, kufika mu ditunga edi dimpe, dindi mupeshe bena Izrayele to.”

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

2 Bakalenga 10:8

Muntu mukuabu kuya kumanyisha Yehu bua mitu ivuabu bafike nayi ayi. Yehu kutuma diyi bua bayiteke mu bisumbu bibidi pabuipi ne tshiibi tshia ku tshimenga too ne ku dinda.