Dielulula 21:22 - MUKANDA WA MYIDI MUKULU

²² Pikala muntu muenze bualu bubi, nuenu bamufundile tshibawu tshia lufu, bashipe muntu awu, balembeleje tshitalu tshiende ku mutshi,

Mukanda wa Nzambi Dihungila Dikulukulu ne Dihungila Dihia-dihia 2003

²² Bikala muntu muenze bualu bubi bua lufu, ne badi bamushiha, nebamuowe ku mutshi;

Dielulula 21:22 交叉引用

Bienzedi 26:31

Kumukabu, bambilangana ne: — Muntu ewu ki mmuenze bualu bubi bua mua kumushipesha, nansha kumuelesha mu lukanu.

Bienzedi 23:29

Meme kujadika ne: kavua muenze bualu bubi budi mua kumuelesha mu lukanu, nansha kumushipesha. Muvua amu mpata ya pa mikenji yabu.

Luke 23:33

Bafika pa muaba udibu binyika ne: “Kabalubalu,” kupopelabu Yezu pa mutshi mutshiamakane. Kuelabu kabidi bena tshibawu babidi abu ku mitshi mitshiamakane, umue ku dia balume dia Yezu, mukuabu ku diende dia bakaji.

Matayi 26:66

Nudi nukosa tshilumbu tshiende bishi? Kumuandamunabu ne: — Muntu awu mmuena tshibawu! Tshiende ndufu!

Dielulula 22:26

Nulekele nsongakaji ne muoyi. Bualu kena muenze tshilema tshidi tshikumbanyine dinyoka dia lufu. (Bidi bifuanangana ne muntu udi muntu mukuabu ubunda kakuyi bualu, ushipa.)

Bienzedi 25:11

Kadi pangikala ne tshibawu, mubunde bualu buakanyine lufu, tshiena mbenga kufua to. Kadi pikala bidi bantu aba bamba kabiyi bilelela, muntu nansha umue kena mua kumfila kudibu to. Ndi ndomba bua nutume tshilumbu tshianyi kua Kezare.

Marke 14:64

Nudi badiumvuile mudiye upenda Mvidi Mukulu. Nudi nuela meji kaayi? Bonsu kuambabu ne: bamufundile tshibawu tshia lufu.

2 Samuele 21:9

Mukalenga Davide kufila bana abu kudi bena Ngibone. Bena Ngibone kuya ne bana abu pa kakuna, kubowa kumpala kua Maweja-Nangila. Bana abu kufua bonsu muanda mutekete musangu umue. Bavua babashipe mu matuku a kumpala menemene avuabu batuadija kunowa ntete ya orje.

2 Samuele 21:6

Nanku batupeshe bantu balume muanda mutekete ba ku ndelanganyi ya Shawule. Netubowe kumpala kua Maweja-Nangila ku Ngibeya, mu tshimenga tshivuabu basombe kudi Shawule, mukalenga uvua Maweja-Nangila musungule. Mukalenga Davide kuitaba ne: — Eyowa, ndi nnupesha.

2 Samuele 4:12

Davide kutuma diyi kudi bansongalume bende bena mvita. Kushipabu Rekabe ne Baana. Pashishe kubakosabu bianza ne makasa. Kubilembelejabu pabuipi ne tshiina tshia mayi tshia mu Ebrone. Kadi mutu wa Ishebaale, kuujikabu mu lukita lua Abnere mu Ebrone.

1 Samuele 26:16

Bu mudi Maweja-Nangila ne muoyi, paudi ulengulula mudimu webe, kuena wenza bimpe to! Nuenu bena mvita bende bonsu, mbimpe banushipe, bualu kanuena balame mukalenga wenu Shawule bimpe to! Shawule mmukalenga musungula kudi Maweja-Nangila! Kadi, tangila ku mutu kua mukalenga: difuma diende ne mulondu wende wa mayi bidi penyi?

Yoshua 10:26

Pashishe Yoshuwa kushipa bakalenga abu. Kubowelaye ku mitshi itanu. Bitalu biabu kushala bilembelela kulu too ne ku dilolu.

Yoshua 8:29

Pashishe kuelabu mukalenga wa Ayi kulu kua mutshi, kumowabu. Tshitalu tshiende kushala ku mutshi aku too ne ku dilolu. Pambi diba kubuela, Yoshuwa kutuma diyi bua batutete tshitalu atshi. Bavua batshimansha pabuipi ne tshiibi tshia tshimenga tshia Ayi. Pashishe kungujilabu mushiki wa mabue pa tshitalu atshi. Mabue awu atshidipu too ne ku lelu.

Dielulula 19:6

Musombuedi, bu mudiye ne tshiji, udi mua kulondakaja mushipianganyi. Padi njila mupite bule, musombuedi udi mua kupeta mushipianganyi, kumushipa. Kadi ki mbimpe kushipa mushipianganyi uvua mushipe muntu amu mu mpukapuka, kayi nende ne lukinu.

Bienzedi 25:25

Kadi meme tshiena musangane bualu bubi nansha bumue budiye mua kutuila. Bu mutataye ulomba bua tutume tshilumbu tshiende kua Kezare, ndi musue kumutuma ku Rome.

Dibadika 25:4

Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.

Yoshua 10:27

Ku dilolu Yoshuwa kutuma diyi bua batulule bitalu abi. Kubitululabu, kubimansha mu lubinga muaba uvua bakalenga abu basokome. Kujibikilabu mabue manene ku lubinga alu. Mabue awu atshidiku too ne ku lelu.

Genese 40:19

Papita matuku asatu, mukalenga neabandishe mutu webe, akulembeleje ku mutshi mule. Nyunyi neyizokole munyinyi webe.

2 Samuele 21:10

Rispa, mukaji mukamba uvua Shawule mushiye, kuangata tshilamba tshikayabale tshivuaye muvuale, kutshibuikila pa lubuebue. Kusombaye muaba awu, biangatshile ku ntuadijilu kua dinowa too ne ku tshikondu tshiwa mvula mutuadije kutokela bitalu bia bana abu. Mu munya, mukaji awu uvua wipata nyunyi bua kayikidi pa bitalu abi. Butuku uvua wipata nyama ya tshisuku bua kayifiki muaba awu.