Dielulula 21:21 - MUKANDA WA MYIDI MUKULU

²¹ Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Balume bonso ba mu musoko wabo nebamukume ne mabue tô ne hafueye: nunku nenumushe malu mabi munkatshi muenu; ne Bena Isalele nebunvue, nebatshine.

Dielulula 21:21 交叉引用

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Lewitiki 24:16

Muntu yonsu udi usendeka dina dia Maweja-Nangila, bamushipe. Bena Izrayele bonsu bamuase mabue, bamushipe, nansha yeye muenyi, nansha yeye muena Izrayele, bualu mmuse-ndeke Mvidi Mukulu.

Dielulula 22:24

nubimanyike bonsu babidi ku tshiibi tshia tshimenga, nubase mabue, nubashipe. Bualu mbenze bualu ebu mu tshimenga, kadi nsongakaji kena muele mbila, kena mubikile bantu. Nsongalume pende mmukuate nsongakaji, mumane kubangila awu, ku bukole, mumubuelele mu nzubu. Ke munudi mua kujikija buenzayi munkatshi muenu nanku.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Lewitiki 20:2

umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Lewitiki 20:27

“Padi muntu mulume nansha mukaji, bikale ne tshibidilu tshia kubukila bantu bakuabu, bua kumvua mudi bakishi bamba, bantu aba babase mabue, babashipe. Bualu mbadikebele lufu nkayabu.”

Lewitiki 24:14

— Ipatayi muntu awu mu mitanda. Bantu bonsu bavua bumvua nuwuaye ungela nsenda, nebatenteke bianza biabu pa mutu pende. Pashishe bena Izrayele bonsu bamuase mabue, bamushipe.

Dibadika 15:25

Nanku, mutuangaji neakobolole bena Izrayele bonsu basange ntete bu pa tshibidilu. Ke Maweja-Nangila kubafuila luse. Bualu bavua batupakane mu mpukapuka, bafila kabidi mulambu wa kuosha ne wa kubakobolola nawu.

Dibadika 15:35

Maweja-Nangila kuambila Moshe ne: — Muntu awu tshiende ndufu! Bena Izrayele bonsu bumuke ne muena tshibawu awu muaba udi mitanda, bamuase mabue, bamushipe.

Dibadika 15:36

Bena Izrayele kuenza muvua Maweja-Nangila mubambile. Kumukabu ne muntu awu muaba uvua mitanda, kumuasabu mabue, kufuaye.

Dielulula 21:20

Pafikabu nende, nebambile bakulu abu ne: “Muanetu ewu mmututombokele. Udi utupepeja, kena utumvuila to. Mmusue amu kuenza malu mabi ne kunua maluvu.”

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

Ekesode 21:17

“Muntu udi wela tatuende nansha mamuende milawu, numushipe.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 13:12

Nanku pikala bena Izrayele bonsu bumvua bualu ebu, nebatshine. Kabakuenza kabidi malu mabi a nanku to.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.