Dielulula 2:33 - MUKANDA WA MYIDI MUKULU

³³ Maweja-Nangila Mvidi Mukulu wetu kutuambuluisha. Tuetu kutshimuna Sihone, bana bende ba balume, ne tshiluilu tshiende tshionsu.

Mukanda wa Nzambi Dihungila Dikulukulu ne Dihungila Dihia-dihia 2003

³³ Yehowa, Nzambi wetu, wakamufila mu tshianza tshietu; tuakabashiha ne yeye ne bana bandi balume ne bantu bandi bonso.

Dielulula 2:33 交叉引用

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Balombodi 7:2

Maweja-Nangila kuambila Ngideyone ne: — Bena mvita bebe mbapite bungi. Tshiena mua kubambuluisha bua batshimune bena Madiyane. Bualu bena Izrayele badi mua kuditambisha ne: tudi batshimune ku bukole buetu. Nanku bena Izrayele badi mua kudiangatshila butumbi budi buanyi.

Balombodi 1:4

Kuyabu kuluisha bena Kenaane. Maweja-Nangila kubambuluisha, bua batshimune bena Kenaane ne bena Perizi. Kushipabu bantu balume binunu dikumi mu Bezeke.

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Dibadika 21:24

Kadi bena Izrayele kutshimuna Sihone ne tshiluilu tshiende. Kumunyengabu ditunga diende dijima, bituadije ku musulu wa Amone kuinshi, too ne ku musulu wa Yaboke ku mutu, too ne ku mikalu mikolesha ya bena Amone, luseke ludi diba dipatukila.

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Dielulula 2:32

Nanku Sihone ne tshikulu tshiende, kutubunda pabuipi ne tshimenga tshia Yahase.

Dielulula 29:6

Patuafiki muaba ewu, Sihone, mukalenga wa tshimenga tshia Eshebone, ne Oge, mukalenga wa ditunga dia Bashane, kutubundabu. Kadi tuetu kubatshimuna,

Misambu 136:19

nSikone, mukalenga wa bena Amore, bualu dinanga diende ndia kashidi,