Dielulula 2:24 - MUKANDA WA MYIDI MUKULU

²⁴ Ke Maweja-Nangila kutuambila ne: “Mpindiewu bangayi luendu. Sabukayi musulu wa Amone. Nennupe Sihone, muena Amore, mukalenga wa mu Eshebone, ne ditunga diende. Mubundayi, nukuate ditunga diende!

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bikai bienu, yai, nuhite mu tshibanda tshia mai a Ânona: monai, nakafila Sihona, Muena Amole, mukelenge wa Heshebona, ne buloba buandi mu tshianza tshienu; nubange kuhiana buloba, nuluangane nʼandi nvita.

Dielulula 2:24 交叉引用

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Yezekiyele 29:20

Ndi mmupesha ditunga dia Ejipitu, bua kumufuta bua midimu idiye mungenzele. Bualu bena mvita bende mbankuatshile mudimu. Meme Maweja-Nangila Mvidi Mukulu, ndi njadika bualu abu.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

2 Kulondolola 36:23

“Koreshe, mukalengamunene wa bena Persa, udi wamba ne: Maweja-Nangila Mvidi Mukulu wa mu diulu, mmuteke makalenga onsu a pa buloba ku bumfumu buanyi. Mmungambile bua kuibakulula nzubu wa Mvidi Mukulu mu Yerushalayime, mu ditunga dia Yuda. Bantu bonsu bena tshisamba tshia Maweja-Nangila, badi munkatshi muenu bapingane mu Yerushalayime. Maweja-Nangila Mvidi Mukulu ikale nabu, abalame!”

Yoshua 6:16

Kadi musangu wa muanda mutekete, pavua batuangaji bela mpungi, Yoshuwa kuambila bena Izrayele ne: — Elayi bibingu bia mvita! Bualu Maweja-Nangila mmumane kunupa tshimenga etshi.

Dielulula 2:36

Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Dibadika 21:12

Bumuka muaba awu, kufikabu mu tshibandabanda tshia Zerede.