Dielulula 19:19 - MUKANDA WA MYIDI MUKULU

¹⁹ nebamunyoke amu mushindu uvuaye musue ne banyoke muanabu awu, bua kujikija buenzayi bua nanku munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ hashishe bamuenzele yeye bu muakasueye kuenzela muanʼabo: nunku nenumushe malu mabi munkatshi muenu.

Dielulula 19:19 交叉引用

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Nsumuinu 19:9

Badi banyoka muntu udi ujadika malu a dishima. Udi udinga bantu neabutuke.

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Dielulula 22:24

nubimanyike bonsu babidi ku tshiibi tshia tshimenga, nubase mabue, nubashipe. Bualu mbenze bualu ebu mu tshimenga, kadi nsongakaji kena muele mbila, kena mubikile bantu. Nsongalume pende mmukuate nsongakaji, mumane kubangila awu, ku bukole, mumubuelele mu nzubu. Ke munudi mua kujikija buenzayi munkatshi muenu nanku.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

Yirmeya 14:15

Nanku, meme Maweja-Nangila ndi ngamba bua bambi aba ne: tshiena mubatume to. Kadi bu mudibu bambila bantu mu dina dianyi meme ne: kanuakuikala ne mvita, nansha ne tshiyole tshia nzala mu ditunga edi, nanku bantu aba nebalue ku tshiyole tshia nzala, ne ku mvita too ne ku muntu wa ndekelu.

Dielulula 24:7

Pikala muena Izrayele mukuate muanabu, mumulame bu mupika, nansha mumupane, mbimpe kushipa mukuatshianganyi awu. Ke munudi mua kujikija buenzayi munkatshi mua bena Izrayele nanku.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 19:20

Pikala bantu bakuabu bumvue mudibu bamunyoke nanku, nebatshine. Kabakushi-minyinangana kabidi malu to.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Danyele 6:25

Pashishe mukalenga wa bakalenga kutuma diyi bua bakuate bantu bonsu bavua basonguela Daniyele. Bavua babela mu buina bua nyama ya ntambue, ne bakaji babu ne bana. Kabayi banji kufika panshi pa tshiina, nyama ya ntambue kubakuata, kubatshibula mifuba.