Dielulula 19:15 - MUKANDA WA MYIDI MUKULU

¹⁵ Padi muntu mushipangane, munyangakaje mikenji, nansha muenze buenzayi bukuabu, muntu umue kena mua kujadika tshilumbu atshi to, anu bantu babidi nansha basatu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kanuitabushi dî dia mumonyi umue udi utumpila mukuabo tshianana bua dihambuka diandi anyi bua bubi buakenzeye; malu neajalame anu ku mei a bamonyi babidi anyi basatu.

Dielulula 19:15 交叉引用

Dibadika 35:30

“Bua kufundila mushipianganyi tshibawu tshia lufu, anu pikalabu bajadike tshilumbu atshi kudi bantu ba bungi, kadi ki nkudi muntu umue to.

2 Korente 13:1

Nkadi pa kufika kuenu aku musangu muisatu bua kumonangana nenu. Mukanda wa tshijila udi wamba ne: “Badi mua kufunda muntu ku tshilumbu, amu padi bantu babidi nansha basatu batshijadika.”

Dielulula 17:6

Kanuena mua kushipa muena tshibawu awu kanuyi banji kujadika tshilumbu kudi bantu babidi nansha basatu. Muntu umue kena mua kujadika bualu to.

Ebrewu 10:28

Muntu yonsu udi ubenga kuitaba mikenji ya Moshe, pamanyabu ne: mmuenze bibi, badi bamushipa, kabayi bamufuila luse, bantu babidi nansha basatu bajadike bualu.

Matayi 18:16

Kadi pikalaye kayi mukuteleje, nupingane kudiye ne muntu umue nansha babidi, bua “Bualu buonsu babujadike kudi bantu babidi nansha basatu,” mudi Mukanda wa tshijila wamba.

1 Timote 5:19

Kuena mua kuanyisha bua bafunde mukulu ku tshilumbu, amu padi bafundi babidi nansha basatu batshijadike.

Yowanane 8:17

Mu mukanda wenu wa mikenji mbafunde ne: padi bantu babidi bajadika mushindu umue bualu, tshidibu bamba tshidi tshilelela.

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

Yowanane 7:51

— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.