Dielulula 17:17 - MUKANDA WA MYIDI MUKULU

¹⁷ Mukalenga awu kena mua kusela bakaji ba bungi. Bualu bakaji abu, badi mua kumufikisha ku ditombokela Maweja-Nangila. Kabidi kikadi ne biuma bia bungi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye kena ne bualu bua kudiangatshila bakashi ba bungi bua kukudimuneye mutshima wandi; yeye kena ne bualu bua kudikumbashila biamu bia argent ne bia or.

Dielulula 17:17 交叉引用

Nehemya 13:26

Meme kubakonka ne: — Malu aa ki ngavua mafikishe Shelomu, mukalenga wa Izrayele, ku dienza bibi anyi? Munkatshi mua bisamba bia bende bionsu, kakuvua mukalenga mukuabu bu yeye to. Mvidi Mukulu uvua mumunange, mumuteke mukalenga wa bena Izrayele bonsu. Kadi bakaji ba bisamba bikuabu bavua bamufikishe ku dienza bibi

Matayi 19:5

Pashishe Mufuki kuamba ne: “Ke mudi mulume ushiya tatuende ne mamuende, bua balamatangane ne mukajende. Nanku bonsu babidi nebenze muntu umue.”

Misambu 62:10

Bantu badi bu lupepele, bantu tshiabu ndishima. Bobu babande pa tshipimu bonsu pamue, kabena ne bujitu.

Genese 2:24

Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

1 Bakalenga 10:21

Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

2 Samuele 5:13

Mukalenga Davide mumane kumuangata mu Ebrone, muye mu tshimenga tshia Yerushalayime, kuselaye bakaji bakuabu, bana ba bakalenga ne bana ba bantu bakuabu. Bakaji abu, kulela bana ba balume ne ba bakaji.

2 Samuele 12:11

Teleja bimpe tshindi nkuambila: Meme nensake bana ba mu nzubu muebe bua kukukengeshabu. Nengangate bakaji bebe, mbafile kudi muanenu bua kubabuelelaye mu nzubu mu munya, wewe mutangile.

1 Bakalenga 10:27

Mu tshikondu tshia mukalenga Shelomu, mu Yerushalayime muvua nkanu mitoke ya mushinga mukole bungi bu nsoka. Muvua kabidi mitshi ya sedre ya bungi bu bua mitshi ya sikomore idi itoloka mu Mpata.

2 Kulondolola 1:15

Nanku, ku bulongolodi bua mukalenga Shelomu, mu Yerushalayime muvua tshiamu tshitoke tshia mushinga mukole ne tshiamu tshia mpawungi bungi bu nsoka. Muvua kabidi mitshi ya sedre ya bungi bu mitshi ya sikomore idi itoloka mu mpata ku muelelu wa mayi manene.

2 Kulondolola 11:21

Ku bakaji bende bonsu dikumi ne muanda mukulu, bana ba bakalenga, Robowame uvua mupite kunanga Maaka, muana wa Abishalome. Uvua musele kabidi bakaji bakuabu makumi asambombu, bavuaye mubanjije. Uvua ne bana ba balume makumi abidi ne muanda mukulu, ne bana ba bakaji makumi asambombu.

Nsumuinu 31:3

Kufidi bukole buebe buonsu amu kudi bakaji. Bualu bakaji bakadi bajimija bakalenga ba bungi.

1 Kulondolola 14:3

Davide wakasela bakaji bakuabu ku Yerushalayime. Kulelaye bana ba balume ne ba bakaji.