Dielulula 16:19 - MUKANDA WA MYIDI MUKULU

¹⁹ Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Dielulula 16:19 交叉引用

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Ekesode 23:2

Kanulondi bibidilu bia bena buenzayi, nansha bobu ba bungi. Kanuitabi meyi a bantu badi bajadika bualu bua dishima, nansha bobu ba bungi.

Nsumuinu 17:23

Muntu mubi udi wanyisha mabuejila adibu bafila bua amone mua kunyanga tshilumbu.

Abakuke 1:4

Bu muudi kuyi wenza bualu, mikenji yebe mmifue, bena buenzayi badi babinga, bantu babi badi bapisha badi kabayi ne bualu, nsambu yonsu badi bayikosa amu bibi.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Muambi 7:7

Padi muena meji ukengesha muntu, udi wenza amu bu muntu mupale. Mabuejila adi mua kumunyanga muoyi.

Nsumuinu 24:23

Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Bienzedi 23:3

Ke Polu kumuamba ne: — Wewe muena mpala ibidi, Mvidi Mukulu neakutuute! Udi apa bua kundumbuluisha bilondeshile mikenji. Kadi wewe mene udi ushipa mikenji, wamba bua kuntuutabu!

Bienzedi 16:37

Kadi Polu kuambila bantu bavua balombodi batume ne: — Tuetu bavua bapete bukenji bua bena Rome, mbatutuutshishe mikaba, bantu bonsu batangile, kabayi banji kutulumbuluisha. Bavua batuelesha kabidi mu lukanu. Kadi mpindiewu badi basue kutulekela mu musokoku anyi? Tuetu katuena basue nanku to! Balombodi bafike bobu nkayabu bua kutulekela!

Bienzedi 10:34

Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Nsumuinu 24:28

Kufundi muena mutumba nebe ku tubadi padiye kayi ne bualu. Udi musue kushima bibi nenku bua tshinyi?

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 8:3

Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 23:3

Kanubingishi mupele mu dikosa dia tshilumbu, padiye kayi wamba bulelela.

Dielulula 16:18

Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

1 Samuele 8:1

Samuwele mumane kukulakaja, kutekaye bana bende ba balume mu bumfumu, bua kulombolabu bena Izrayele.

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Nsumuinu 18:5

Kubingishi muena tshibawu, kupishi muntu muakane.

Nsumuinu 31:5

Bualu padibu bakuatshika, badi bapua mikenji muoyi, kabayi bakosa bimpe nsambu idi bapele nayi.

Dielulula 27:25

“Muntu yonsu udi wangata makuta a mabuejila bua kushipa muntu udi kayi ne bualu, asangane muena tshibawu kuenza anyi?” Bonsu ne: “Enze!”

Yezekiyele 18:8

Kena usombeshangana makuta bua kuvudija biuma biende, nansha bua kupeta makasa, Kena wambuluisha benji ba bibi. Kadi udi ukosa bilumbu anu pa biobi.