Dielulula 13:15 - MUKANDA WA MYIDI MUKULU

¹⁵ Diba adi, nuebejangane, nulondakajangane bimpe bua kujadika ne: bualu ebu mbulelela anyi? Nuenu bajadika menemene ne: mbenze nanku,

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ nenushihe bena musoko aba ne miele ya nvita, nenuhaule musoko; nenushihe bimuna ne bintu bidimu ne muele wa nvita.

Dielulula 13:15 交叉引用

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Lewitiki 27:28

“Nanku bua bintu bionsu bidi muntu ulambula Maweja-Nangila bua kashidi, kabena mua kubipana nansha kubipikula to, bu mudi muntu, nyama nansha budimi bupiana. Bintu bidibu balambula mushindu ewu, mbia Maweja-Nangila nkayende, mbia tshijila menemene.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Didimanyisha 17:16

Kadi nsengu dikumi iuvua mumone, kabidi ne nyama, nebikine mukaji muena buendenda. Nebimunyenge bionsu bidiye nabi, bimushiye butaka. Nebidie munyinyi wende, bibutule biende bidi bishala mu kapia.

Balombodi 20:48

Bena Izrayele kutuadija kuluisha bena Binyamine bavua bashale. Kubashipabu, bapitshile ku tshimenga ne ku tshimenga. Kushipabu bantu balume bonsu, too ne bimuna. Pashishe kuoshabu miaba yonsu ya buloba abu.

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Dielulula 2:34

Tuetu kushisha kunyenga bimenga biende bionsu, kubibutuilamu, kushipa balume, bakaji ne bana. Katuena bashiye muntu ne muoyi to.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 13:14

mudi bantu babi badi bambila bena Izrayele bua kutendelela mvidie inudi kanuyi bamanye mpindiewu.

Dielulula 17:4

Panuikala bumvue ne: muena Izrayele udi utendelela mvidie nanku, nukebulule bua kujadika ne: mmuenze nanku bulelela anyi? Pikala bualu ebu bubi, budi kabuyi buengelela Maweja-Nangila, buenzeke munkatshi muenu bulelela,

Balombodi 20:3

Bena Binyamine kumvua lumu ne: bisamba bionsu bia bena Izrayele mbidisange ku Mispa. Bena Izrayele kukonka muena Levi awu ne: — Utuambile mushindu udi bualu ebu bubi buenzeka.

Ezela 10:16

Bena Izrayele bakuabu bavua bafume ku bupika, kuitaba meji awu. Mutuangaji Ezra kusungula mu diku dionsu bamfumu, kutela ne dina diabu. Bantu abu kusangila biangatshile ku dituku dia kumpala dia ngondu wa dikumi, bua kuakaja tshilumbu etshi tshijima.