Dielulula 12:25 - MUKANDA WA MYIDI MUKULU

²⁵ Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kanudi mashi; bua nukume dikasa dimpe ne bana benu badi banulonda ku nyima, hanuenza malu adi mimpe ku mesu kua Yehowa.

Dielulula 12:25 交叉引用

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.

Dielulula 6:18

Nusankishe Maweja-Nangila, nuenze bidi bimulengelela. Nanku nenuikale bena diakalenga, nenukuate ditunga dimpe, divua Maweja-Nangila mulaye bankambua benu.

Yezekiyele 33:25

Ubambile tshindi meme Maweja-Nangila Mvidi Mukulu mujadike ne: “Nudi nudia munyinyi, nudia ne mashi. Nudi nukukuila mvidie mikuabu. Nudi nushipangana. Kadi munudi mua kuamba ne: nempete ditunga mbishi?

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Misambu 112:2

Bana bende nebikale bilobu mu ditunga, ndelanganyi ya bantu bakane nebayele lupemba.

Dielulula 12:28

Nuenu bena Izrayele nuteleje bionsu bindi nnuambila, nubikumbaje. Nanku, misangu yonsu nenuikale bena diakalenga, nuenu ne ndelanganyi yenu. Bualu nenuenze bidi bimpe, bisankisha Maweja-Nangila Mvidi Mukulu wenu.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 12:24

Kadi nulekele mashi, amate panshi bu mayi.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Dielulula 21:9

Nuenu benze nanku, nudi nusankisha Maweja-Nangila. Kanuakuikala bena tshibawu bua lufu lua mushindu ewu to.