Dielulula 12:14 - MUKANDA WA MYIDI MUKULU

¹⁴ Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi muaba udi Yehowa Usungula munkatshi mua bisamba bienu, nenufileku milambu yenu ya kuosha, nenuenzeku mei onso anakunuambila.

Dielulula 12:14 交叉引用

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Misambu 9:11

Maweja-Nangila, bantu badi bamanye muudi, badi bakutekemena, bualu kuena ulekela badi bafika kuudi.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Dielulula 12:13

Nuenu bena Izrayele, dimukayi: kanuena mua kulambula milambu yenu miaba yonsu ya tshijila inudi numona to.

Dielulula 12:15

Bimuna bionsu bikale Maweja-Nangila munupe mu ditunga dinuasomba, muntu yonsu udi ne mikiya nansha udi kayi nayi, udi mua kubishipa, kudia munyinyi wabi bu mudiye musue, ne muaba udiye musue, anu bu munutu nudia munyinyi wa kabuluku, nansha wa ngulungu.

1 Bakalenga 12:27

Bualu padibu baya mu Yerushalayime bua kulambula milambu mu nzubu wa Maweja-Nangila, mioyi yabu idi mua kupingana kudi mukalenga wabu wa kale Robowame, wa bena Yuda. Nanku nebanshipe, bua bashale ku bumfumu bua Robowame.”

Lewitiki 17:3

“Padi muena Izrayele musue kushipa ngombe, mukoku, mbuji mu mitanda nansha ku mpenga kuayi,

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 15:20

Ku tshidimu tshionsu, nudie munyinyi wa bimuna ebi ne meku enu, muaba wa tshijila wa Maweja-Nangila Mvidi Mukulu wenu, mu nzubu wikalaye musungule.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 17:8

Pikala balumbuluishi ba muaba unudi basombe, bapangile tshilumbu tshia bantu, bavua bashipangane, batutangane, batapangane mputa, nansha benze tshilema tshikuabu kampande, nuye ne tshilumbu atshi muaba wikala Maweja-Nangila musungule.

Dielulula 18:6

Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

Yoshua 9:27

kupesha bena Ngibone mudimu wa kukosa nkunyi, kusunyina bena Izrayele mayi, ne kusuna mayi bua tshilambuilu tshia Maweja-Nangila, muaba wikale Maweja-Nangila usungula. Nanku ndelanganyi ya bena Ngibone itshidi ikuata midimu eyi too ne ku lelu.

Yoshua 22:29

Nanku, katuena basue kutombokela Maweja-Nangila, nansha kumubenga. Katuena base tshilambuilu etshi bua kulambuilapu milambu ya kuosha, ya bintu bia mu madimi, nansha milambu mikuabu. Katuena basue kulambula milambu muaba mukuabu, kadi amu pa tshilambuilu tshia Maweja-Nangila Mvidi Mukulu wetu, tshidi kumpala kua muaba wende wa tshijila.

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

1 Kulondolola 22:1

Ke pavua Davide wamba ne: “Nzubu wa Maweja-Nangila Mvidi Mukulu udi apa. Monayi tshilambuilu tshidi bena Izrayele ne bua kulambuila milambu yabu.”