Dielulula 11:17 - MUKANDA WA MYIDI MUKULU

¹⁷ Nuenu kanuyi bakumbaje mikenji yende, Maweja-Nangila neanufuile munda. Kakunulokeshila kabidi mvula. Kanuakupeta biakudia pa madimi enu to. Nenubutuke mu ditunga edi dimpe, didiye unupesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ bualu bua Yehowa neanukuatshile tshiji, yeye neabuikile diulu ne nvula kayena iloka, ne buloba kabuena bukuama bintu; nunku nenujimishibue lubilu mu buloba buimpe buakamba Yehowa.

Dielulula 11:17 交叉引用

1 Bakalenga 8:35

“Padi bena Izrayele bakutombokela, udi mua kukandika bua mvula kaloki to. Nanku, padi bena Izrayele batangila ku nzubu eku, bua kukutendelela ne kukutumbisha, padibu badipuekesha, balekela kukutombokela,

Amosa 4:7

Mvua mukandike mvula bua kaloki, tshikondu tshivua bia pa madimi bikengela mayi. Mvua mulokeshe mvula mu tshimenga kampande, mu tshimenga tshikuabu, mvua mumukandike. Budimi bumue buvua bupete mayi mavule, bukuabu buvua bufuba ne munanga.

2 Kulondolola 6:26

“Padi bena Izrayele bakutombokela, wewe mukandike bua mvula kaloki, kadi bena Izrayele batangile ku nzubu eku bua kukutendelela ne kukutumbisha, padibu badipuekesha, balekela kukutombokela,

Dielulula 6:15

Bualu Maweja-Nangila, Mvidi Mukulu wenu, udi munkatshi muenu. Mmusue kuikala amu Mvidi Mukulu nkayende. Kanumufikishi munda to, bualu udi mua kunubutula, kunumusha panu.

Dielulula 4:26

Ndi nnujadikila lelu, diulu ne buloba biumvue, ne: Nuenu basonge mpingu, nebanuipate lukasa mu ditunga dia Kenaane dinuakuata, didi dishiya dia musulu wa Yardene. Nenubutukemu.

2 Kulondolola 7:13

Dituku dikuabu pangikala mukange diulu, mvula kayi uloka, nansha pangatuma mpasu bua kunyanga ditunga, nansha pangatumina bantu banyi bena Izrayele tshipupu tshia disama dia tshiambu,

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Dielulula 9:19

Mvua ntshina, nzakela tshiji tshikole tshivua Maweja-Nangila natshi. Ukavua musue kunubutula. Kadi kuitabaye kabidi dilomba dianyi musangu ewu.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.

Yobe 12:15

Padiye kayi mulokeshe mvula, bionsu bidi biuma. Padiye amu ulokesha mvula, buloba budi bunyanguke.

Lewitiki 26:19

Bua kujikija ditambisha ne tshitunu tshinudi natshi, tshiena unulokeshila mvula to. Biakudia kabiena bitoloka to. Diulu nedikole bu tshiamu, buloba nebuume bu tshiamu tshikunze.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.