Dielulula 1:46 - MUKANDA WA MYIDI MUKULU

⁴⁶ Ke munudi bashale mu Kadeshe-Barneya matuku mapite bungi nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁶ Nunku nuakashikama mu Kadesha matuku a bungi, nudi bamanye bungi bua matuku anuakashalamu.

Dielulula 1:46 交叉引用

Dibadika 20:1

Mu ngondu wa kumpala, bena Izrayele bonsu kufika mu tshipela tshia Tsine, kusomba mu Kadeshe. Miriyame kufuila muaba awu. Kumujikabu muine amu.

Dibadika 20:22

Bena Izrayele bonsu kumuka ku Kadeshe, kuya ku mukuna wa Ore.

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Dibadika 14:25

(Bena Amaleke ne bena Kenaane ke badi basomba mpindiewu mu bibandabanda bia ditunga adi.) Nanku, nuenu bonsu, malaba nenupingane kunudi bafume. Nenupingane mu tshipela, batangile ku Mayi manene makunze.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Dielulula 2:14

Kadi bua kumuka ku Kadeshe-Barneya, kufika ku musulu ewu, tuvua banenge mu njila bidimu makumi asatu ne muanda mukulu. Tshikondu atshi, bantu bonsu bathivua ne bukole bua kuluangana mvita papatukilabu mu Ejipitu, bakafua bamane kubutuka, bu muvua Maweja-Nangila mumane kuditshipa.

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.