Didimanyisha 7:14 - MUKANDA WA MYIDI MUKULU

¹⁴ Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

Didimanyisha 7:14 交叉引用

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Ebrewu 13:12

Ke pavua Yezu kabidi mufuile pa mpenga pa tshimenga, bua enze bena tshisamba tshiende bantu ba tshijila ku mashi ende.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Matayi 24:21

Bualu tshikondu atshi, dikenga nedikale dikole, dipite makenga onsu avua menzeke ku ntuadijilu wa bukua bantu, too ne mpindiewu. Makenga a nanku kaakuenzeka kabidi to.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.

Rome 5:3

Nanku nansha tuetu mu makenga, tudi amu tusanka. Bualu tudi bamanye ne: dikenga didi dipetesha lutulu,

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Didimanyisha 15:2

Pashishe meme kumona tshintu bu mayi manene menza bu lumuenu, engelela bu kapia. Meme kumona kabidi bavua batshimune nyama, tshimfuanyi tshiende, ne kampanda uvua ne dina didi bungi budileja. Bavua bimane pa mayi manene awu, bakuate mu tshianza nzenze ivua Mvidi Mukulu mubapeshe.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!

2 Tesalonike 1:4

Ke patudi tuditemba bualu buenu mu Bisumbu bionsu bia bena ditaba ba Mvidi Mukulu. Bualu nansha mu makenga adibu banukengesha nawu, nansha mu ntatu inudi numona, nudi amu nunanukila bashindame mu ditaba.

Ekesode 37:3

Kuenzaye nkanu inayi ya tshiamu tshia mpawungi bua kusuika ku mikolu inayi ya mushete awu, ibidi ku luseke ibidi ku lukuabu.

Danyele 7:16

Meme kusemena pabuipi ne umue wa ku bantu bavuapu. Meme kumukonka dijingulula dia malu amvua mumone. Yeye kungumvuija ne:

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Danyele 12:1

“Mutumibue wa Mvidi Mukulu kungambila kabidi ne: ‘Tshikondu atshi nebafike kudi Mikayele, mfumu wa batumibue ba Mvidi Mukulu, mulami wa bantu bebe. Dituku adi nedikale dia dikenga, didi kadiyi dianji kumueka katshia bafuka bantu, too ne ku diba adi. Pashishe bana benu badi ne mena abu mafunda mu mukanda wa muoyi nebapande.

Marke 13:19

Bualu mu matuku awu, dikenga nedikale dipite bukole bua makenga onsu adi bantu bamane kumanya katshia bafuka bintu bionsu, too ne mpindiewu, kakuena mua kuikala dikenga difuanangane ne dia mushindu ewu nansha.

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.

Yobe 11:16

Kuakuvuluka makenga ebe a kale to. Neikale bu mayi a musulu mamane kupueka.