Didimanyisha 4:10 - MUKANDA WA MYIDI MUKULU

¹⁰ bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

Didimanyisha 4:10 交叉引用

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.

Didimanyisha 19:4

Ke bakulu makumi abidi ne banayi, ne Bia muoyi binayi, kudiela panshi, bikukuila Mvidi Mukulu, udi musombe mu nkuasa wa butumbi, bimba ne: “Amene! Aleluya! Tumbishayi Mvidi Mukulu!”

Didimanyisha 11:16

Ke bakulu makumi abidi ne banayi badi basombe mu nkuasa ya butumbi idi kumpala kua Mvidi Mukulu, kudiela mpala panshi, bakukuila Mvidi Mukulu,

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.

Didimanyisha 7:11

Batumibue bonsu bavua banyungulukile nkuasa wa butumbi, bakulu, ne Bia muoyi binayi. Bavua badiela mpala panshi kumpala kua nkuasa wa butumbi, bakukuila Mvidi Mukulu,

Didimanyisha 5:14

Bia muoyi binayi bivua bitshija ne: “Amene!” Ke bakulu kudiela panshi kukukuila.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Misambu 72:11

Bakalenga bonsu nebamukukuile, bisamba bionsu nebimuenzele mudimu.

Didimanyisha 4:9

Misangu yonsu idi Bia muoyi binayi bimbila udi musombe mu nkuasa, udi ne muoyi kashidi, bimutumbisha, bimukukuila, bimuela tuasakidila,

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

2 Kulondolola 7:3

Bena Izrayele bonsu bavua muaba awu, kumonabu kapia kafumina mu diulu, butumbi bua Maweja-Nangila bukenka mu nzubu wa Mvidi Mukulu. Diakamue, kutuabu binu panshi, kuinyika mitu panshi bua kutendelela Maweja-Nangila, kumutumbisha bua bulenga buende ne bua dinanga diende didi kadiyi dijika.

Luke 24:52

Ke bobu kumukukuila. Kupinganabu ku Yerushalayime ne disanka dinene.

Misambu 115:1

Maweja-Nangila kabatutumbishi tuetu, kabatutumbishi to, bakutumbishe amu wewe. Bualu wewe udi utunanga, muikale kabidi muena diyi dimue.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Dielulula 32:40

Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Misambu 47:8

Bualu Mvidi Mukulu ke mukalenga udi ulombola buloba bujima. Numutumbishe numuimbile misambu mimpe.

Yeshaya 6:1

Mu tshidimu tshia lufu lua mukalenga Uziya, meme kumona Maweja-Nangila musombe mu nkuasa wa bukalenga mutumbuke. Nzemba ya tshinkutu tshiende miuwule nzubu wa Mvidi Mukulu tente.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Didimanyisha 4:2

Diakamue Mueyelu wa Tshijila kumvu-lula. Mu diulu muvua nkuasa wa butumbi. Muntu uvua musombe mu nkuasa awu.

Didimanyisha 10:6

uditshipa mu dina dia Mvidi Mukulu udi ne muoyi kashidi, uvua mufuke diulu ne bionsu bidimu, buloba ne bionsu bidimu, mayi manene ne bionsu bidimu, wamba ne: — Kakuena dituku dikuabu to, amu lelu!

Didimanyisha 15:7

Tshimue tshia ku Bia muoyi binayi kupeshatshi batumibue muanda mutekete makopu muanda mutekete menza ne mpawungi, avua tente ne tshiji tshia Mvidi Mukulu, udi ne muoyi kashidi ne kashidi.