Didimanyisha 3:18 - MUKANDA WA MYIDI MUKULU

¹⁸ Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

Didimanyisha 3:18 交叉引用

Didimanyisha 16:15

Mfumu udi wamba ne: “Teleja! Ndi mfika bu muivi. Muntu udi ushala mutabale, kayi ukopola bilamba biende, mmuena diakalenga, bualu kakuenda butaka, kakumvua bundu, pikalabu bamumona nanku.”

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Didimanyisha 7:13

Umue wa ku bakulu uvua unkonka ne: — Bantu badi bavuale mintumpu mitoke aba mbanganyi? mBafume penyi?

Matayi 13:44

— Bukalenga bua mu diulu mbufuanangane ne biuma bisokoka mu budimi. Muntu kuvua kubisangana mu budimi amu, kubisokoka pende. Kupetaye disanka dipite. Ke padiye uya kupana bionsu bidiye nabi, bua kusumba budimi abu.

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Mika 1:11

Nuenu badi basombe mu Shafire, muangalayi, nunyeme ne bundu, kanuyi bia kuvuala! Badi basomba mu Saanane, kabena bakimina kupatuka mu tshimenga. Badi badila mu tshimenga tshia Bete-Eshele, bualu nansha munda mua tshimenga mudi amu njiwu.

Misambu 73:24

Udi undombola mudi meji ebe, ku ndekelu neungakidile mu butumbi buebe.

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Yeshaya 47:3

Lekela kumvua bundu. Leja bantu, bamone biudi musokoke. Meme nendisombuele, muntu nansha umue kayi unkandika.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

2 Korente 5:3

Bobu batubuikile nanku, katuakushala katuyi ne tshilamba, patuashiya mubidi wetu wa panu.

Luke 12:21

Ke Yezu kuamba kabidi ne: — Ke bidi bienzekela muntu udi uditekela biuma nkayende, kayi mubanji kumpala kua Mvidi Mukulu!

Nahume 3:5

Maweja-Nangila wa bukole buonsu, udi wamba ne: Ninive, nenkunyoke, nenkukopuele bilamba ku mutu, mubandishe too ne ku mpala. Nenkushiye butaka ku mesu a bukua bisamba, bonsu nebakumone muudi.

Matayi 25:9

Midimuke kuandamuna ne: “Too! Bualu mafuta kaena mua kutukumbana nenu to. Nanku mbimpe nuye kudi bapanyishi, nuye kusumba enu.”

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Muambi 8:2

Padi mukalenga wakula, bidi bimpe kumuitaba. Tuvua bamulaye kumpala kua Mvidi Mukulu bua kumutumikila.

Nsumuinu 19:20

Teleja mibelu, wanyisha bua bakulongeshe. Nanku neushale muntu wa lungenyi.

Nsumuinu 1:30

Nudi nulengulula mibelu yanyi, kanuyi nuangata bindi nnuambila ne mushinga.

Nsumuinu 1:25

Nudi nubenga mibelu yanyi yonsu. Nudi nulengulula bindi nnulongesha.

Misambu 107:11

Bualu bavua batombokela Mvidi Mukulu, bavua bapetule mikenji ya Muena kulu.

Misambu 16:7

Ndi ngela Maweja-Nangila tuasakidila, bualu udi undudika. Nansha butuku kondu ka munda kadi kambela.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.