Didimanyisha 3:14 - MUKANDA WA MYIDI MUKULU

¹⁴ — Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Fundila muanjelo wa ekelesia wa ku Laodikiya ne, Udi Amen, mumanyishi wa kueyemena ne mulelela, tshibangidilu tshia bufuki bua Nzambi ne,

Didimanyisha 3:14 交叉引用

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Kolose 1:18

Tshisumbu tshia bena ditaba tshidi mubidi, Yeye udi mutu watshi. Kudiye ke kudi muoyi mupiamupia wa mubidi awu utuadija. Bualu Yeye ke Muanabute, wa kumpala muabu babishe ku bafue, bua kuikalaye wa kumpala mu bionsu.

2 Korente 1:20

Kudi Kristu ke kudi Mvidi Mukulu wamba “eyowa” ku bionsu bivuaye mulaye. Nanku kudi Yezu tuetu kabidi tudi tuamba Amene wetu, bua kutumbisha Mvidi Mukulu.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne:

Didimanyisha 22:13

Ndi Alfa ne Omega, wa kumpala ne wa ndekelu, ntuadijilu ne nshikidilu.”

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Yirmeya 42:5

Kuandamunabu Yirmeya ne: — Kayanda ketu, netuenze menemene tshionsu tshikale Maweja-Nangila Mvidi Mukulu webe mukumanyishe bua wewe kutuambila. Maweja-Nangila ikale mujadiki wa mutshipu wetu.

Yeshaya 65:16

Bantu badi basue kujingila bakuabu diakalenga mu ditunga, nebabele lupemba, batela amu dina dia Mvidi Mukulu umue, udi ukumbaja malaya ende. Bantu badi basue kulaya malaya, nebaalaye batela amu dina dia Mvidi Mukulu umue udi ukumbaja malaya ende. Maweja-Nangila udi wamba ne: Eyowa, makenga a kale bantu kabakuavuluka kabidi to. Neajimine ku mesu anyi.

Nsumuinu 8:22

Maweja-Nangila wakadianza kumfuka ku kale, kumpala kua bintu bikuabu bionsu.

Didimanyisha 22:6

Pashishe mutumibue kungambila ne: — Miaku eyi mmilelela, nudi mua kuyitaba. Kabidi Maweja-Nangila Mvidi Mukulu, udi upa bambi Mueyelu wende, uvua mutume mutumibue wende, bua aleje bantu bende bidi ne bua kuenzeka amu mpindiewu.

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

Kolose 4:16

Panuikala bamane kubala mukanda ewu, nukebe bua baubale kabidi kudi bena ditaba ba mu Lawodikiya. Nuenu kabidi nubale mukanda wanutumina bena ditaba ba mu Lawodikiya.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

Yeshaya 55:4

Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Genese 49:3

Wewe Rubene, udi muananyi, muanabute, udi mashi anyi a kumpala. Udi muana undi mulele, pantshivua ne dikanda dionsu. Lumu luebe ne bukole buebe, nebipite bia bana benu bonsu.

Dielulula 21:17

Nanku bua kuleja ne muana wa mukaji udiye kayi mupite kunanga ke muanabute, amupeshe bintu misangu ibidi, bualu mmuanende wa kumpala udi ne bua kuangata bumpianyi bua bumuanabute.

Nsumuinu 14:5

Muntu udi ujadika bualu ne diyi dimue, kena ushima. Muntu udi ujadika bualu ne meyi meyi, mmuena dishima.

Yowanane 1:3

Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku.

Yowanane 8:14

Yezu kuandamuna ne: — Nansha meme ndijadikila malu anyi, bindi ngamba bidi bilelela. Bualu ndi mumanye kundi mufume, nansha kundi nya. Kadi nuenu kanuena bamanye kundi mufume, nansha kundi nya.