Didimanyisha 3:12 - MUKANDA WA MYIDI MUKULU

¹² Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Udi uhita bukole, nemuvuishe dikunshi mu ntempelo wa Nzambi wanyi, ne kena uluhukamu kabidi; ne neufunde dina dia Nzambi wanyi hamʼbidi handi, ne dina dia tshimenga tshia Nzambi wanyi, Yelushalema muhia-muhia mene, tshidi tshihueka hanshi, tshifuma mu diulu kudi Nzambi wanyi, ne dina dianyi meme dihia-dihia.

Didimanyisha 3:12 交叉引用

Didimanyisha 22:4

Nebamone mpala wende. Nebafunde dina diende pa mpala yabu.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Yirmeya 1:18

Biangatshile lelu, nenkupeshe bukole. Newikale bu tshimenga tshikolesha ne bimana, bu dikunji dia tshiamu, bu tshimana tshiasa ne tshiamu tshikunze, kumpala kua bena ditunga bonsu, kua bamfumu ba bena Yuda, balombodi ba mu bukalenga, batuangaji ne bantu bakuabu bonsu, badi basomba mu bukalenga.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Misambu 48:8

bu mudi lupepele lua kudi diba dibanda, lutshibula majuwa manene adi aya ku Tarshishe.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

1 Bakalenga 7:21

Kuasabu makunji abidi aa kumpala kua lutanda lua nzubu wa Mvidi Mukulu. Dikunji divua ku dia balume, bavua badibikila ne: Yakine, mmumue ne: “Mvidi Mukulu udi ufila bukole”. Dikunji divua ku dia bakaji bavua badibikila ne Bowaze, mmumue ne: “Mvidi Mukulu udi ne bukole”.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Efeze 3:15

Diku dionsu didi mu diulu ne didi pa buloba didi dipetela muoyi kudiye.

Yezekiyele 48:35

Bimana bionsu bidi binyungulula tshimenga pamue, bidi ne bule bua metre binunu tshitema. Nanku, tshimenga etshi nebatshinyike ne: “Maweja-Nangila udiku.”

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Misambu 87:3

Wewe tshimenga tshia Mvidi Mukulu, Mvidi Mukulu udi ukutumbisha wamba ne:

Misambu 46:4

nansha mavuala akungula, asaba, adiela mulu, anyungisha mikuna.

Yeshaya 62:2

Bisamba bia bantu nebimone mudi Maweja-Nangila mukupikule. Bakalenga bonsu nebabandile lumu luebe. Bantu nebakuinyike dina dipiadipia, didi Maweja-Nangila mukubikile nadi.

Yezekiyele 40:49

Tshibuelelu tshivua metre dikumi mu bule, metre isambombu mu butshiama. Bavua ne bua kubanda ku bibandilu dikumi bua kubuela mu tshibambalu. Ku mushiku wa mbelu kuvua makunji abidi, dimue ku luseke lumue, dikuabu ku luseke lukuabu.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

Marke 12:16

Kumutuadilabu lukanu lumue. Yeye kubakonka ne: — Mpala ne dina bidibu bazolapu mbia nganyi? Bobu kumuandamuna ne: — Mbia mukalenga wa bakalenga.