Didimanyisha 3:11 - MUKANDA WA MYIDI MUKULU

¹¹ Nkadi mu njila. Lama muebe muonsu biudi nabi. Tshianana bakuabu nebakunyenge nsala webe wa lumu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ndualua lubilu, ukuate bikole tshiudi nʼatshi, bua muntu kanyengi tshifulu tshiebe tshia butumbi.

Didimanyisha 3:11 交叉引用

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Didimanyisha 22:12

Yezu kuamba ne: “Teleja! Nkadi mu njila! Nennutuadile mafutu enu. Nemfute muntu yonsu bilondeshile bivuaye muenze.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 2:25

Kadi nulame bimpe binudi nabi, too ne pangafika.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

2 Timote 2:5

Muntu udi ubuela mu manaya a kunyema lubilu, udi mua kupeta nsala wa lumu, amu padiye ukumbaja mikenji ya manaya.

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!

Didimanyisha 1:3

Muntu udi ubala mukanda ewu, mmuena diakalenga. Bantu badi bateleja miaku ya kudi muambi wa Mvidi Mukulu ewu, bakumbaja bidibu bafunde muaba ewu, badi kabidi bena diakalenga! Bualu bionsu ebi nebikumbane amu mpindiewu.

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

1 Korente 9:25

Bonsu badi banaya nanku, badi badikengesha, bajila bintu bivule. Badi benza nanku bua kupeta nsala wa kalumbandi wa matuku makese. Kadi tuetu tudi tunyema bua kupeta nsala wa kalumbandi udi ushala kashidi.

Didimanyisha 3:3

Nenku vuluka bivuabu bakulongeshe. Kuvulaminyi muuvua mubilonge ne tshisumi. Ubikumbaje ne muoyi umue, udilengeje. Kuyi mutabale, nenkujikile bu muivi. Kuakumanya diba dingafika kuudi.

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

Didimanyisha 22:7

Yezu udi wamba ne: “Teleja! Nkadi mu njila! Bantu badi bitaba miaku idi muambi mufunde mu mukanda ewu, mbena diakalenga!”

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Yakobe 5:9

Bana hetu, lekelayi kubipishangana, bua Mvidi Mukulu kayi unupisha. Mukoshi wa nsambu ukadi pabuipi, ukadi pa kumueneka!

Filipe 4:5

Lejayi bantu bonsu muoyi wa kalolu. Mfumu ukadi pa kufika.

Didimanyisha 16:15

Mfumu udi wamba ne: “Teleja! Ndi mfika bu muivi. Muntu udi ushala mutabale, kayi ukopola bilamba biende, mmuena diakalenga, bualu kakuenda butaka, kakumvua bundu, pikalabu bamumona nanku.”