Didimanyisha 22:2 - MUKANDA WA MYIDI MUKULU

² upueka munkatshi mua musesu munene wa mu tshimenga. Ku nseke ibidi ya musulu kudi mutshi wa muoyi, udi ukuama bimuma misangu dikumi ne ibidi ku tshidimu, musangu umue ku ngondu yonsu. Bavua bondapa bisamba bia bantu ne mabeji awu.

Mukanda wa Nzambi Dihungila Dikulukulu ne Dihungila Dihia-dihia 2003

² munkatshi mua musesu wa musoko. Ku muelelu eu wa musulu ne ku muelelu wawa kuakadi mutshi wa muoyo, ukuama mamuma nsanzu dikumi ne abidi, ukuama mamuma au ku ngondo ku ngondo; mabeshi a mutshi akadi bua kuondaha nʼau bisamba.

Didimanyisha 22:2 交叉引用

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Genese 2:9

Maweja-Nangila Mvidi Mukulu kumenesha mitshi ya mishindu yonsu pa buloba, mitshi milenga kumona ne mesu, mimpe kudia mukana. Munkatshi mua lupangu muvua mutshi wa muoyi ne mutshi wa kujingulula malu mimpe ne mabi.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Didimanyisha 22:19

Kadi pikala muntu mumbushe umue wa ku miaku ya muambi ya mu mukanda ewu, Mvidi Mukulu neamumbushile tshiende tshitupa tshia tshimuma tshia mutshi wa muoyi, ne tshiende tshitupa tshia tshimenga tshia tshijila, mudibu babifunde mu mukanda ewu.

Didimanyisha 21:24

Bisamba bia bantu nebiende mu butoke bua tshimenga atshi. Bakalenga ba matunga nebafikemu ne bubanji buabu.

Didimanyisha 21:21

Biibi dikumi ne bibidi bivua mabue a busanga dikumi ne abidi. Bavua benze tshiibi tshionsu amu ne dibue dinene dimue dia busanga. Bavua benze musesu munene wa mu tshimenga ne mpawungi menemene, umueneka munda ne panyima bu talatala.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Yezekiyele 47:1

Muntu kupingana nanyi ku tshibuelelu tshia nzubu wa Mvidi Mukulu. Nanku meme kumona mayi apatukila muinshi mua mushiku wa mbelu, wa ku luseke ludi diba dipatukila. Bualu tshibuelelu tshia nzubu wa Mvidi Mukulu tshivua tshitangila ku luseke ludi diba dipatukila lua nzubu. Nanku mayi avua apuekela ku luseke lua kuinshi kua nzubu wa Mvidi Mukulu, pashishe avua apitshila luseke lua kuinshi kua tshilambuilu.

Misambu 147:3

Udi usamba bantu badi ne dibungama mu muoyi, ubondapa padibu batapika.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.