Didimanyisha 21:8 - MUKANDA WA MYIDI MUKULU

⁸ Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Didimanyisha 21:8 交叉引用

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Nsumuinu 19:9

Badi banyoka muntu udi ujadika malu a dishima. Udi udinga bantu neabutuke.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Didimanyisha 9:21

Bantu aba kabavua nansha badilengeja ku bibidilu biabu bibi bia kushipangana, kuenza malu a majimbu, kuenda buendenda, kuibangana bintu.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Dielulula 20:8

Pashishe balombodi ba bena mvita nebambe kabidi ne: “Pikala muntu kayi ne muoyi mukole, utshina, mbimpe apingane kuende. Bualu udi mua kupumbisha bakuabu mua kuluangana.”

1 Yone 2:22

Kadi muena dishima nnganyi? Ke muntu udi wamba ne: “Yezu kena Kristu, Musungidi mutulaya.” Wa nanku ke Muluishi wa Kristu. Udi ubenga Tatu, ne Muana kabidi.

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

1 Yone 5:10

Nanku muntu udi witaba Muana wa Mvidi Mukulu, udi ne dijadika adi munda muende. Kadi udi kayi witaba Mvidi Mukulu, udi muvuije Mvidi Mukulu muena dishima, bualu kena witaba bidi Mvidi Mukulu ujadika bualu bua Muanende.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Balombodi 7:3

Uye kuambila bena mvita bebe ne: “Bena mvita bonsu badi ne bowa, bazakala, bumuke ku mukuna wa Ngilaade, bapingane kuabu.” Bena mvita binunu makumi abidi ne bibidi kupingana. Bena mvita kushala binunu dikumi.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

2 Tesalonike 2:9

Muena bubi neafike ne bukole bua diabolu. Neenze bishima bia mishindu yonsu, ne malu a kukema, bua kudinga nabi bantu.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Didimanyisha 9:17

Kundejabu tubalu ne basolayi bavua babandepu. Bavua ne tuzaku tua mvita tukunze bu kapia, tua lubidibidi bu mabue a safire, ne tua kalabi bu mvuanda. Mitu ya tubalu ivua bu ya nyama ya ntambue. Mukana muayi muvua mupatuka kapia, muinshi ne mvuanda.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.

Matayi 25:25

Mvua ne bowa. Nanku meme kuya kusokoka nkanu yebe mu buloba. Angataku bintu biebe, mbiebi!”

Marke 9:44

Mmuaba udi misanda idia mibidi kayiyi ifua, kabidi kapia kakayi mua kujima nansha.]