Didimanyisha 21:4 - MUKANDA WA MYIDI MUKULU

⁴ Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye neakuhule tshinsonshi tshionso ku mesu kuabo; ne lufu kaluena luikalaku kabidi; madilu kêna ikalaku kabidi, nasha muadi, nasha kanyinganyinga kabidi; malu a kumudilu akumuka.

Didimanyisha 21:4 交叉引用

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

1 Korente 15:26

Muena lukuna wa nshikidilu wabutulabu ndufu.

Yeshaya 60:20

Kanuakukengela kabidi diba, bua kuenda mu butoke munda munya. Kanuakukengela kabidi ngondu, bua kuenda mu butoke butuku to. Bualu meme Maweja-Nangila nenkutekeshe butuku ne munya. Dikenga diebe nedijike.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

1 Yone 2:17

Bia panu bidi bienda bijimina. Bionsu bidi bantu bajinga panu bidi bipita. Kadi udi wenza tshidi Mvidi Mukulu musue, ke udi ushala ne muoyi kashidi.

Yeshaya 51:11

Maweja-Nangila neapikule bantu bende. Bantu abu nebapingane mu Yerushalayime. Nebabuelemu, benda bela bibingu bia disanka. Disanka didi kadiyi dijika nedikenkeshe mpala yabu. Musangelu ne diakalenga ne biuwule mu muoyi wabu tente. Ntatu ne makenga nebijike.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Yeshaya 30:19

Nuenu bena Siyone, badi basomba mu Yerushalayime, katshia kanuakudila kabidi to. Panuabikila Maweja-Nangila, neanuambuluishe ne muoyi wa kalolu. Yeye mumvue amu muadi wenu, neanuandamune.

Didimanyisha 21:1

Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.

Didimanyisha 20:14

Kadi kuelabu lufu ne kandondu ka bafue mu mayi manene atema kapia. (Mayi manene adi atema kapia aa, ke lufu luibidi.)

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Didimanyisha 22:3

Mu tshimenga kamuakuikala kabidi tshintu tshidi Mvidi Mukulu mutshipe. Nkuasa wa butumbi wa Mvidi Mukulu ne wa Muana wa mukoku neikale mu tshimenga. Bantu ba Mvidi Mukulu nebamukukuile.

2 Petro 3:10

Kadi dituku dia Mfumu nedifike bu muivi. Dituku adi diulu nedibutuke ne mutoyi mukole. Kapia nekoshe bia mulu bionsu. Buloba ne bidipu bionsu nebijimine.

1 Korente 7:31

badi bakuata mudimu ne bia panu, basombe bu badi kabayi bakuata nabi mudimu. Bualu bia panu kabiena binenga kabidi mutantshi mule to.

Osheya 13:14

Nanku, meme Maweja-Nangila, nempandishe bena Izrayele ku lufu anyi? Nembumushe muaba wa bafue anyi? Lufu, bukole buebe budi penyi? Lufu, leja bukole buudi ushipangana nabu. Meme tshiakubafuila luse to.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Ebrewu 12:27

Miaku eyi: “Musangu wa ndekelu,” idi ileja ne: bintu bidibu bafuke nebizakale, bijimine, bua tshidi katshiyi tshizakala tshishale kashidi.

Didimanyisha 20:13

Mayi manene kupingaja bafue bavua munda muawu. Lufu ne kandondu kabidi kupingaja bafue bavuabi bilame. Ke kulumbuluishabu muntu yonsu pa bivuaye muenze.