Didimanyisha 20:3 - MUKANDA WA MYIDI MUKULU

³ Mutumibue kumuela mu kandondu, kukanga ne nsapi, kutua tshitampi, bua nyoka wa tshidika kamonyi mua kupambula kabidi bisamba bia bantu, too ne muakumbana bidimu tshinunu. Pakumbana bidimu ebi, nebanji kumulekela bua katupa kipi.

Mukanda wa Nzambi Dihungila Dikulukulu ne Dihungila Dihia-dihia 2003

³ ne wakamuela mu dina didi kadî ne tshishikidilu, ne wakadînshila, ne wakamutekelahu tshimanyishilu ha mutu handi, bua yeye kadingi bisamba bia bantu kabidi, tô ne hashika bidimu tshinunu; ku nyima kua bualu ebu budiye nʼabu mbua kusuludibua tshituha tshihi.

Didimanyisha 20:3 交叉引用

Didimanyisha 20:1

Pashishe meme kumona mutumibue upatuka mu diulu, mukuate mu tshianza nsapi ya ku kandondu, kabidi ne lukanu lukole.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

Danyele 6:17

Nanku mukalenga wa bakalenga kutuma diyi, bua bafike ne Daniyele. Kumuelabu mu buina bua nyama ya ntambue. Mukalenga wa bakalenga kuambila Daniyele ne: — Amu Mvidi Mukulu webe uudi utendelela ku dituku ku dituku, ke udi mua kukusungidila.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Matayi 27:66

Nanku kuyabu kulongolola mudimu wa kulama lukita. Kutuabu dibue divua dibuikila lukita tshitampi, kushiyabu basolayi bua balulame.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

2 Petro 3:8

Bana hetu basuibue, kudi bualu bumue bunudi kanuyi mua kupua muoyi. Kudi Mfumu dituku dimue didi bu bidimu tshinunu, bidimu tshinunu bidi bu dituku dimue.

Misambu 90:4

Bidimu tshinunu bidi bipi ku mesu kuebe, bu dituku dia makelela didi dimane kupita, anyi bu meba makese a butuku.

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Marke 4:15

Bantu bakuabu mbafuanangane ne ku mielelu ya njila, muaba uvua muaku mumatshile: diakamue padibu baumvua, diabolu udi ufika, umusha muaku uvuabu bamiamina munda muabu.

Luke 8:31

Mikishi ayi ivua isengelela Yezu, bua kayitumi mu kandondu ka buloba.