Didimanyisha 2:5 - MUKANDA WA MYIDI MUKULU

⁵ Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku, uvuiuke kuwakuhona, ukudimune mutshima webe, ne enza midimu ya kumudilu, anyi nendue kûdi, nengumushe tshitekelu tshiebe tshia muinda mu muaba watshi, biwikala kui ukudimuna mutshima webe.

Didimanyisha 2:5 交叉引用

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

Didimanyisha 2:16

Nanku, udilengeje. Tshianana, nemfike kuudi amu mpindiewu. Nenduishe bantu aba ne muele udi upatuka mukana muanyi.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Didimanyisha 2:19

Ndi mumanye bionsu biudi wenza. Ndi mumanye muudi munnange, mungitabe ne muoyi umue, munkuatshile mudimu ne tshisumi, muikale kabidi ne lutuulu. Ndi mumanye mudi midimu yebe ya matuku aa mipite ya mbangilu.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Yezekiyele 20:43

Muaba awu nenuvuluke malu enu a kale avua manupishe mikiya. Bundu nebunukuate bua malu mabi onsu anuvua benze.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Yeshaya 1:26

Nenkupingajile bandumbulula bimpe, amu muvua bebe ba ku tshibangidilu. Bafidi bebe ba ngenyi nebafile ngenyi mimpe, amu muvuabu benza ku kale. Nenku nebakuinyike ne: ‘Tshimenga tshia buakane,’ ‘Musoku udi bantu ne muoyi umue.’ ”

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Marke 12:9

Yezu kubakonka ne: Nenku muena budimi bua nwinyo udi mua kuenza tshinyi? Muena budimi bua nwinyo nealue, neashipe bafutshidi ba budimi bua nwinyo, neafile budimi kudi bantu bakuabu.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.

Ngalate 5:4

Nuenu badi basue bua Mvidi Mukulu anubingishe bua panudi nulama mikenji, nudi babulukangane ne Kristu. Nudi babenge bua Mvidi Mukulu anunange.

Malaki 3:4

Pashishe Maweja-Nangila neanyishe milambu ya bantu ba mu Yuda ne ba mu Yerushalayime, bu muvuaye muyanyishe kale, mu bidimu bishale panyima.

Yeshaya 14:12

Ebi mbienzeke munyi? Wewe uvua bu mutotu udi ukenka mu dinda! Mudibu bakukulula kulu mmunyi? Wewe uvua utshimuna bukua matunga, mudibu bakuimansha panshi mbishi?

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

Matayi 5:14

— Nuenu nudi butoke budi bukenkela bantu pa buloba. Kabena mua kusokoka tshimenga tshiasa pa mukuna.

Matayi 5:15

Kabena batemesha muendu bua kuubuikila mu kapanza. Kadi badi bauteka pa tshitekelu tshiawu, bua ukenkele bantu bonsu badi mu nzubu.

Filipe 2:15

Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

2 Petro 3:17

Bana hetu basuibue, mpindiewu nkadi mumane kunubela. Nanku nudimuke! Kanuanyishi bua bantu babi aba bena dishima banupambule, banumushe ku tshitaku tshinudi bashindame.