Didimanyisha 2:26 - MUKANDA WA MYIDI MUKULU

²⁶ Badi batshimuna, bakumbaja bindi musue too ne ku ndekelu, nembapeshe bumfumu bua bisamba bikuabu bumvua mupete kudi Tatu wanyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Udi uhita bukole ne udi ulama midimu yanyi tô ne kunshikidilu, nemuhe bukokeshi ha mutu ha bisamba bia bende;

Didimanyisha 2:26 交叉引用

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Misambu 2:8

Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

1 Yone 5:5

Udi mua kutshimuna bukua panu nnganyi? Amu muntu udi witaba ne: Yezu udi Muana wa Mvidi Mukulu.

Yowanane 6:29

Yezu kubandamuna ne: — Bualu budi Mvidi Mukulu utekemena kunudi, mbua nuenu kuitaba udiye mutume.

Matayi 24:13

Kadi wananukila too ne ku ndekelu, nebamusungidile.

Danyele 7:22

Kadi muntu kufika, kuhingisha tshisamba tshia tshijila tshia Mvidi Mukulu, Muena kulu. Pakakumbana diba, tshisamba tshia tshijila kudiatshi bukalenga.

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

1 Yone 3:23

Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

Yakobe 2:20

Kadi wewe udi muntu mubule lungenyi! Udi musue bua nkujadikile ne: ditaba, didi kadiyi didileja mu bitudi tuenza, didi tshianana anyi?

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Danyele 7:18

Kunyima kuabu tshisamba tshia tshijila tshia Mvidi Mukulu, Muena kulu, netshiangate bukalenga. Netshibulame kashidi.’

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Matayi 19:28

Yezu kubambila ne: — Ndi nnujadikila bulelela ne: pasomba Muana wa muntu mu nkuasa wende wa lumu mu buloba bupiabupia, nuenu bavua bandonde, nenusombe penu mu nkuasa dikumi ne ibidi, bua kulumbuluisha bisamba dikumi ne bibidi bia bena Izrayele.

Misambu 49:14

Umvuayi bidi bienzekela bantu badi baditekemena. Monayi kuaya bonsu badi baditemba.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

1 Tesalonike 3:5

Nanku bu mumvua tshiyi mua kuindila kabidi, meme kutuma Timote, bua adijadikile munudi nutungunuka mu ditaba. Mvua ntshina ne: bumue diabolu udi mua kunuteta, kunyanga mudimu wonsu utuvua benze.

Misambu 2:9

Neubutekeshe ne dikombu dia tshiamu. Neubuzaze bu luesu lua dibumba.”

Matayi 10:22

Bantu bonsu nebanukine, bualu nudi nungitabe Kadi wananukila ne ku ndekelu, nebamusungidile.