Didimanyisha 2:23 - MUKANDA WA MYIDI MUKULU

²³ Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Didimanyisha 2:23 交叉引用

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Rome 8:27

Mvidi Mukulu udi utangila mu mioyi ya bantu, udi ujingulula bidi Mueyelu wa Tshijila musue kulomba. Bualu Mueyelu udi wakuila bantu ba Mvidi Mukulu mushindu udi Mvidi Mukulu musue.

Bienzedi 1:24

Ke bonsu pamue kutendelela, bamba ne: — Mfumu, wewe udi mumanye muoyi wa muntu yonsu. Nanku ku babidi aba utuleje uudi musungule.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

Yirmeya 11:20

Kadi wewe Maweja-Nangila wa bukole buonsu, udi ndumbulula udi ukosa nsambu pa yoyi. Udi mumanye malu onsu adi mu muoyi wanyi wa muntu. Ndi musue kumona muudi unyoka baluishi banyi. Bualu meme ndi mufile tshilumbu tshianyi mu bianza biebe.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yirmeya 20:12

Wewe Maweja-Nangila wa bukole buonsu, udi mumanye muntu udi ukulamata. Udi ujingulula meji adi muntu nawu munda. Mvua muteke tshilumbu tshianyi mu bianza biebe. Nanku ndi musue kumona muudi unyoka bena lukuna banyi.

Misambu 62:12

Misangu mivule nkadi mumvue diyi dia Mvidi Mukulu, diamba ne: “Bukole buonsu budi amu kundi.”

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

2 Kulondolola 6:30

wewe Maweja-Nangila udi musombe mu diulu, wikale muteleje. Ubafuile luse, wenzele muntu yonsu bilondeshile nsombelu wende. Bualu wewe nkayebe udi mumanye meji adi mu muoyi wa muntu. Bushuwa, wewe nkayebe udi mumanye malu adi mu mioyi ya bantu.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

Misambu 26:2

Maweja-Nangila, unkonkonone, undumbuluishe, tangila munda muanyi majinga ne meji bindi nabi.

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Rome 14:12

Nenku yonsu wa kutudi neadilumbuluile nkayende kudi Mvidi Mukulu.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Dielulula 19:20

Pikala bantu bakuabu bumvue mudibu bamunyoke nanku, nebatshine. Kabakushi-minyinangana kabidi malu to.

Dielulula 17:13

Nanku bena Izrayele kabakuditambisha kabidi nanku to. Nebatshine, padibu bumvue bionsu bidi bienzeka ebi.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Didimanyisha 6:8

Nkenzakana, ke meme kumona kabalu ka mubidi mutokoloke bu tshitalu. Uvua mubandepu, bavua bamuinyika ne: “Lufu!” Bavua bamulonda kudi kandondu ka bafue. Kubipeshabu bumfumu bua tshia binayi tshimue tshia buloba, bua kushipesha bantu ku muele wa mvita, ku tshiyole tshia nzala, ku disama dia tshiambu, ne ku nyama ya lonji.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Ngalate 6:5

Bualu muntu yonsu udi ne bua kudiambuila bujitu buende kumpala kua Mvidi Mukulu.

Sefanya 1:11

Dilayi bikole, tuayi mikemu, nuenu badi basomba mu tshimenga tshia kuinshi, bualu basumbishanganyi ba bintu bonsu nebafue, bangenda mushinga bonsu nebabutuke.

Misambu 139:1

Musambu wa mulombodi wa bena misambu. Mu mukanda wa misambu ya Davide. Maweja-Nangila, udi mujingulule muoyi wanyi, udi mummanye:

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Didimanyisha 20:13

Mayi manene kupingaja bafue bavua munda muawu. Lufu ne kandondu kabidi kupingaja bafue bavuabi bilame. Ke kulumbuluishabu muntu yonsu pa bivuaye muenze.

Didimanyisha 22:12

Yezu kuamba ne: “Teleja! Nkadi mu njila! Nennutuadile mafutu enu. Nemfute muntu yonsu bilondeshile bivuaye muenze.

1 Kulondolola 17:18

tshiena ne tshindi mua kuamba bua lumu luudi mumpeshe, bualu udi mummanye meme muntu webe.

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.

Yowanane 4:16

Yezu kumuamba ne: — Uye kubikila bayebe, nufike nende apa.