Didimanyisha 2:19 - MUKANDA WA MYIDI MUKULU

¹⁹ Ndi mumanye bionsu biudi wenza. Ndi mumanye muudi munnange, mungitabe ne muoyi umue, munkuatshile mudimu ne tshisumi, muikale kabidi ne lutuulu. Ndi mumanye mudi midimu yebe ya matuku aa mipite ya mbangilu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi mumanye midimu yebe, ne dinanga diebe ne ditabusha diebe, ne dikuatshilangana diebe dia mudimu, ne ditantamana diebe, ne midimu yebe ya kunshikidilu idi ihita ya diambedi bungi.

Didimanyisha 2:19 交叉引用

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

2 Petro 1:7

ku dinemeka Mvidi Mukulu diumvuangana dia buena muntu, ku diumvuangana dia buena muntu dinanga.

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Luke 1:23

Matuku ende a kuenza mudimu mu nzubu wa Mvidi Mukulu mamane kujika, Zekarya kupingana kuende.