Didimanyisha 2:18 - MUKANDA WA MYIDI MUKULU

¹⁸ — Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Fundila muanjelo wa ekelesia wa ku Tuatila ne, Muana wa Nzambi udi ne mesu andi mafuana ludimi lua kahia, ne makasa andi adi bu tshiamu tshia mitaku tshidi tshibalakana, udi wamba malu â ne,

Didimanyisha 2:18 交叉引用

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Rome 1:4

kadi ku bukole bua Mueyelu wa Tshijila uvua umueneka Muana wa butumbi wa Mvidi Mukulu, pavuabu bamubisha ku lufu.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 3:18

Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Danyele 10:6

Mubidi wende uvua mufuanangane ne dibue dia mushinga mukole. Mpala wende uvua ukenka bu mupenya wa mvula. Mesu ende awa mafuanangane ne bimunyi bia kapia. Maboku ende ne mikolu yende bivua bibalakana bu tshiamu tshikunze tshinoona. Pavuaye wakula, diyi divua ne tshiona bu tshia mutoyi wa bantu bavule.

Bienzedi 16:14

Umue wa kudibu, dina diende Lidiya, uvua mutumine ku tshimenga tshia Tiyatira. Uvua ngendamushinga wa bilamba bikunze bia mushinga mukole. Uvua mumane kulamata tshisumbu tshia bena ditaba ba bena Yuda. Uvua muteleje ne ntema bituvua tuamba. Mfumu kunzulula muoyi wende, bua umvue bimpe bivua Polu wakula.

Didimanyisha 2:24

“Kadi nuenu, bena ditaba bakuabu ba mu Tshisumbu tshia mu Tiyatira, kanuvua bitabe dilongesha dibi edi; kanuvua balonge bidi bantu aba bamba ne: ‘mMalu masokome a diabolu’. Ndi nnujadikila ne: tshiena mua kunuomekela bujitu bukuabu to.