Didimanyisha 19:8 - MUKANDA WA MYIDI MUKULU

⁸ Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Didimanyisha 19:8 交叉引用

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Marke 9:3

Bilamba biende kukenka, kutoka bikole mushindu udi muntu wa pa buloba kayi mua kubitokesha.

Matayi 22:12

Kumukonkaye ne: “Mulunda wanyi, muudi mubuele apa nunku, kuyi ne tshilamba tshia dibaka, mbishi?” Kadi muntu awu nansha kuandamuna kalu to.

Misambu 132:9

Batuangaji bebe bavuale buakane, bu mudibu bavuale bilamba biabu; bantu badi bakuitaba bele mbila ya disanka!

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Yezekiyele 16:10

Meme kukupesha bilamba bizola bimpe, ne bisabata bia tshiseba tshimpe, ne mukaba wa buanda bua ndanda, ne tshinkutu tshienza ne buanda bua miosa ya nyama.

Bienzedi 1:10

Batshivua batangile muvua Yezu ubanda mu diulu, ke bantu babidi bavuala bilamba bitoke kubamuenekela diakamue,

Luke 24:4

Bavua bapampakana, kabayi bamanye tshia kuenza. Ke bantu babidi, bavuala bilamba bikenka, kubamuenekela.

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Nsumuinu 31:22

Udi ukuma biata bia kuteka panshi, uvuala bilamba bimpe bia buanda bua ndanda bukunzubile.

Yezekiyele 44:17

Padibu bapitshila ku biibi bia lubanza lua munda mua nzubu, badi ne bua kuvuala bilamba bienza ne ndanda. Kabena ne bua kuvuala bilamba bienza ne miosa ya nyama, padibu benza mudimu wabu mu lubanza, nansha munda mua nzubu wa Mvidi Mukulu.

Didimanyisha 15:6

Batumibue muanda mutekete bavua bakuate bipupu muanda mutekete mu bianza, kupatuka mu nzubu wa Mvidi Mukulu amu. Bavua bavuale bilamba bienza ne ndanda mutoke biengelela, basuike mikaba ya mpawungi pa tshiadi.

Didimanyisha 19:14

Biluilu bia mu diulu bivua bimulonda pa tubalu tutoke, bivuale bilamba bienza ne buanda buimpe bua ndanda mutoke, kabiyi katoba.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.