Didimanyisha 18:6 - MUKANDA WA MYIDI MUKULU

⁶ Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Numuheshe bu muakahesheye bakuabo, ne numuhitshishile dikenga diandi misangu ibidi bu mudi bienzedi biandi; mu luhanza muakasangishileye bakuabo makenga numusangishile makenga misangu ibidi.

Didimanyisha 18:6 交叉引用

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Yirmeya 50:15

Elayi bibingu bia mvita nseke yonsu ya tshimenga! Monayi bena Babilone badi badifila, bela maboku mulu, mu bianza bia baluishi babu. Baluishi badi bashimbula tuleya tuatshi, bambula bimana biatshi. Ke mudi Maweja-Nangila udisombuela. Nuenzele bena Babilone bivuabu benzele bantu bakuabu.

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Didimanyisha 17:4

Mukaji uvua muvuale bilamba bimpe bikunze bia mushinga mukole. Uvua mudilengeje ne bintu bivule bia mpawungi, kabidi ne mabue a mushinga mukole, ne a busanga. Uvua ne dikopu dia mpawungi mu tshianza, diwule tente ne bintu bibi bia bundu bidi bileja buendenda buende.

Zekâya 9:12

Nuenu bena lukanu badi mua kutekemena lupandu mpindiewu, pinganayi mu tshimenga tshienu. Mbamane kuibakulula bimana biatshi. Mpindiewu ndi nnuambila ne: nennuvudijile disanka dipite misangu ibidi dikenga dinuvua nadi.

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Yirmeya 16:18

Ndi musue kubanyoka bikole bua malu mabi avuabu benze, ne bua tshilema tshiabu. Bualu mbanyange ditunga dianyi ne mpingu yabu indi mbenga idi bu bitalu. Bavua bateka mvidie ya dishima miaba yonsu mu ditunga dianyi.

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

Yirmeya 51:49

Babilone mmushipe bantu bapite bungi mu buloba bujima. Kadi bu mudiye mushiye bena Izrayele ba bungi, nebamubutule ne yeye kabidi.

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Didimanyisha 13:10

Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 61:7

Maweja-Nangila udi wamba ne: “Nuvua bafue bundu. Bantu bavua banupenda, banupetula, banutuila mate mu mesu. Kadi bu muvuabu banupepeje, nenupete buloba budi bupite buenu bua kale misangu ibidi. Bituadije ku mpindiewu, nenusombemu, nusanke kashidi.

Misambu 28:4

Ubanyoke bilondeshile malu mabi avuabu benze, ubapingajile bubi buvuabu benzele bakuabu.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Muadi 3:64

Maweja-Nangila, wewe neubenzele mudibu bangenzele meme.