Didimanyisha 17:5 - MUKANDA WA MYIDI MUKULU

⁵ Bavua bafunde pa mpala pende dina diamba bualu busokoka ne: “Babilone munene, mamuende wa bakaji bena buendenda, ne wa malu mabi onsu a pa buloba!”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Ne ha mpala handi hakadi dina difunda ne, Bualu Busokoka, Babulona Munene, Mamu wa Bakashi ba Masandi, ne wa Binyangu bia ha Buloba.

Didimanyisha 17:5 交叉引用

Didimanyisha 14:8

Mutumibue muibidi uvua ulonda wa kumpala, wamba ne: “Eyi tshimenga ntshibutuke! Tshimenga tshinene tshia Babilone ntshibutuke! Ke tshiotshi tshivua tshinuishe bisamba bionsu maluvu atshi, maluvu makole a buendenda buatshi bubi!

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.

Didimanyisha 17:7

Ke mutumibue kungebeja ne: — Muudi ukema nanku mbishi? Nenkumvuije bualu busokome bua mukaji ewu, ne bua nyama wa mitu muanda mutekete ne nsengu dikumi udi mumuambule.

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.

2 Tesalonike 2:7

Bubi budi amu bukuata mudimu mu musokoku. Kadi bidi ne bua kuenzeka, nebienzeke amu, padi utshidi ukuata Muena bubi umushila muaba.

Yeshaya 3:9

Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

Didimanyisha 18:21

Nenku mutumibue wa dikanda kuambula dibue dia bujitu, bu didibu bapela nadi. Kudielaye mu mayi manene, wamba ne: “Ke muelabu tshimenga tshinene tshia Babilone panshi ne bukole buonsu. Kabakutshimona kabidi kashidi kashidi.

Didimanyisha 11:8

Bitalu biabu nebishale panshi mu musesu wa mu tshimenga tshinene, muaba uvuabu bapopele Mfumu wabu pa mutshi mutshiamakane. Tshimenga etshi badi batshifuanyikija dina ne: Sodome, nansha ne: Ejipitu.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Didimanyisha 7:3

“Kanubutudi buloba, nansha mayi manene, nansha mitshi. Tuanji kutua tshitampi pa mpala ya bantu ba Mvidi Mukulu wetu.”

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 17:1

Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.