Didimanyisha 17:1 - MUKANDA WA MYIDI MUKULU

¹ Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Mukanda wa Nzambi Dihungila Dikulukulu ne Dihungila Dihia-dihia 2003

¹ Umue wa banjelo muanda mutekete bakadi ne mpanza muanda mutekete wakalua, wakakula nʼanyi, wamba ne, Lua biebe kunoku, nenkuleshe dilumbuluisha dia mukashi wa masandi munene udi ushikama ha mutu ha mai a bungi,

Didimanyisha 17:1 交叉引用

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.

Didimanyisha 21:9

Umue wa ku batumibue muanda mutekete bavua ne makopu muanda mutekete muwule ne bipupu muanda mutekete bia ndekelu, kufikaye kundi, ungambila ne: — Luaku! Nenkuleje mukaji udi ubuela mu dibaka ne Muana wa mukoku.

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Didimanyisha 15:1

Pashishe meme kumona tshintu tshikuabu tshinene, kabidi tshia dikema mu diulu. Ke batumibue muanda mutekete bavua bafika ne bipupu muanda mutekete. Ke bipupu bia ndekelu, bualu nebitalaje tshiji tshia Mvidi Mukulu.

Yeshaya 57:3

Semenayi apa, nuenu, bana ba mukaji muena mbuku, tshisamba tshia bena buendenda ne bena buenzayi.

Didimanyisha 21:15

Mutumibue uvua uyukila nanyi, uvua ne dikombu dia mpawungi, bua kupima nadi tshimenga, biibi biatshi, ne tshimana tshiatshia.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

Luke 24:32

Balongi kuambilanganabu ne: — Pavua Yezu utuambila malu mu njila, utumtuija Mikanda ya tshijila, katuvua bumvua bu kapia kosha munda muetu anyi?

Luke 9:30

Diakamue bantu babidi kumueneka muaba uvua Yezu, bayukila nende. Bavua Moshe ne Eliya,

Yezekiyele 31:4

Mvula uvua mukoleshe mutshi awu. Mayi a muinshi mua buloba kuumenesha. Mayi avua matengebela ku miji yawu. Pashishe avua atangalaka, aya too ne ku mitshi yonsu ivua mu mpata.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 18:1

Malu aa mamane kupita, meme kumona mutumibue mukuabu utuluka mu diulu. Uvua ne bumfumu bunene. Butumbi buende buvua bukenkesha buloba bujima.

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.