Didimanyisha 16:1 - MUKANDA WA MYIDI MUKULU

¹ Pashishe meme kumvua diyi dikole difumina mu nzubu wa Mvidi Mukulu, diambila batumibue muanda mutekete ne: “Ndayi, nuitshikije pa buloba makopu muanda mutekete adi ne tshiji tshia Mvidi Mukulu!”

Mukanda wa Nzambi Dihungila Dikulukulu ne Dihungila Dihia-dihia 2003

¹ Nakunvua dî dikole difuma ku ntempelo diambila banjelo muanda mutekete ne, Yai bienu nuhongolole mpanza muanda mutekete ya tshishi tshia Nzambi ha buloba.

Didimanyisha 16:1 交叉引用

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

Didimanyisha 15:1

Pashishe meme kumona tshintu tshikuabu tshinene, kabidi tshia dikema mu diulu. Ke batumibue muanda mutekete bavua bafika ne bipupu muanda mutekete. Ke bipupu bia ndekelu, bualu nebitalaje tshiji tshia Mvidi Mukulu.

Yirmeya 10:25

Tshiji tshiebe utshitekele bantu ba bisamba bikuabu abu, badi kabayi basue kukumanya, badi kabayi bakutendelela. Bualu badi biba bintu bia bantu bebe, badi bapawula bintu bietu bionsu, banyanga ditunga dietu dijima.

Didimanyisha 16:17

Mutumibue wa muanda mutekete kuitshikija dikopu diende mu kapepe. Diyi dikole kumvuika mu nzubu wa Mvidi Mukulu difumina ku nkuasa wa butumbi, diamba ne: “Ke ndekelu wa bionsu!”

Misambu 79:6

Benyi aba badi kabayi bakumanye, ne makalenga adi kaayi akutendelela, ubafikile bonsu munda.

Yezekiyele 10:2

Mvidi Mukulu kuambila muntu uvua muvuale bilamba bia buanda bua ndanda ne: — Upitshile pankatshi pa nkata idi muinshi mua bakerubine. Ambula mu bianza makala a kapia adi pankatshi pa bakerubine, uye kuatangalaja mu tshimenga. Meme kumona muntu uya kuambula makala.

Didimanyisha 14:18

Mutumibue mukuabu kabidi, uvua ne bumfumu bua kusonsola kapia, uvua ufuma ku tshilambuilu. Kuelaye diyi dikole, wambila uvua ne muele mutue ne: “Angata muele webe, unowe tumuma tua mvinyo tudi mu buloba, bualu tukadi tupie.”

Didimanyisha 14:15

Mutumibue mukuabu kupatuka mu nzubu wa Mvidi Mukulu, wela diyi dikole, wambila uvua musombe pa di-vuba ne: “Ambula muele webe, unowe, bualu diba ndimane kufika. Bia pa buloba bikadi bipie!”

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

1 Samuele 15:18

Kadi, Mvidi Mukulu uvua mumane kukuambila tshiudi ne bua kuenza. Uvua mukutume bua wewe kushipa bena Amaleke, bena buenzayi, bua wewe kuluangana nabu mvita, too ne pabutukabu bonsu bua buenzayi buabu.

Yezekiyele 22:31

Nanku meme kubapumuina tshiji tshianyi. Meme kubabutula mu kapia, bualu mvua mufike munda. Meme kubanyoka bua malu abu mabi. Ke mundi ngamba nanku meme Maweja-Nangila Mvidi Mukulu.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.