Didimanyisha 14:4 - MUKANDA WA MYIDI MUKULU

⁴ Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Aba mbantu bakadi kabai banyanguka ne bakashi, bualu bua bobo badi mishikankunde ya tumama. Aba mbantu badi balonda Muana wa Mukoko kuonso kudiye uya. Bobo bakasumbibua munkatshi mua bantu, bua kuikala mamuma a kuhuola diambedi kudi Nzambi ne kudi Muana wa Mukoko.

Didimanyisha 14:4 交叉引用

Didimanyisha 3:4

Kadi mu Sardeze amu, bamue ba kunudi ki mbanyange bilamba biabu to. Ke mudibu bakanyina kuvuala bilamba bitoke, kuenda nanyi diba dionsu.

2 Korente 11:2

Ndi mununange, munukuatshile mukawu, mudi Mvidi Mukulu mununange, munukuatshile mukawu. Bualu nudi bu mukaji utshidi kamama, umvua mufile kudi bayende umuepele, ke Kristu.

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Misambu 74:2

Uvuluke bantu bebe bauvua mudisunguile ku kale. Kupu muoyi bisamba biuvua mupikule, mubienze biebe. Kuvulaminyi mukuna wa Siyone, muaba uuvua musue kusomba.

1 Korente 6:20

Mvidi Mukulu mmunusumbe, mufute mushinga. Nanku tumbishayi Mvidi Mukulu mu mubidi wenu.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Efeze 1:14

Mueyelu wa Tshijila udi utujadikila ne: netupete bionsu bidi Mvidi Mukulu mulaye bantu badi bende. Udi utushindikila kabidi ne: Mvidi Mukulu neatupikule, bua tuikale bende menemene. Nanku tutumbishayi Mvidi Mukulu bua buneme buende.

1 Korente 16:15

Nudi bamanye Stefanaze, ne ba mu nzubu muende. Bobu ke bantu ba kumpala mu Akaya bavua bitabe, bakuatshile Tshisumbu tshia bena ditaba nabu mudimu. Bana hetu, ndi nnulomba ne:

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Yowanane 13:37

Petro kumukonka ne: — Mfumu, tshiena mua kukulonda mpindiewu bua tshinyi? Ndi mumane kudilongolola bua kufila muoyi wanyi bualu buebe.

Matayi 25:1

— Nenku Bukalenga bua mu diulu nebufuanangane ne mishikankunde dikumi, ivua miangate miendu yayi, bua kuya kuakidila muntu uvua mubuele mu dibaka dituku adi.

Matayi 8:19

Ke mulongeshi wa mikenji kusemena kudiye, umuambila ne: — Mulongeshi, nenkulonde kuonsu kuwaya.

Musambu wa Solomo 1:3

dipite mafuta ebe a mupuya muimpe. Wewe udi ulobesha bakaji, bu manananshi adi anunka dipembu dimpe. Ke mudi nsongakaji yonsu ikunangila!

1 Timote 4:3

Bantu abu badi balongesha ne: kusela nkubi; biakudia bikuabu kanuena mua kubidia. Kadi Mvidi Mukulu mmufuke biakudia abi, bua bena ditaba, badi bamanye bulelela, babidie, bamane kutendelela bua kumuela tusakidila.

1 Korente 7:28

Kadi paudi usela, kuena wenza bualu bubi. Padi nsongakaji uya ku dibaka, kena wenza bualu bubi. Kadi ndi musue kunuepula ku ntatu ya matuku onsu idi bantu badi mu dibaka nayi.

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Musambu wa Solomo 6:8

Nansha mukalenga musele bakaji makumi asambombu, mubanjije bakuabu makumi muanda mukulu, ne bansongakaji kabayi kubala,

Misambu 45:14

Muana wa bakaji wa mukalenga udi ubuela mu nzubu, mulenga mulaya, muvuale bilamba bia mushinga mukole, bilengeja ne mpawungi.

Matayi 19:12

Kudi malu mashilangane adi apangisha bantu bua baselangane. Bamue bantu kabena mudi balume, katshia babalela kudi bamamuabu. Bakuabu mbabenze nanku kudi bantu. Banga kabena basela ku budisuile buabu, bualu bua Bukalenga bua mu diulu. Udi mua kumvua dilongesha edi, wasangana kudiumvua anyiee? (Umvuee!)

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Didimanyisha 21:22

Tshivua mumone nzubu wa Mvidi Mukulu mu tshimenga etshi to. Bualu Maweja-Nangila wa bukole buonsu, pamue ne Muana wa mukoku, badi nzubu watshi.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.