Didimanyisha 14:3 - MUKANDA WA MYIDI MUKULU

³ Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

³ ne badi bimba bu musambu muhia-muhia ku mpala kua nkuasa wa butumbi, ne ku mpala kua bifukibue binai bidi ne muoyo ne bakulu; ne kakuakadi muntu wakamanya mua kuyila musambu eu, anu bantu aba tshishikula tshimue ne mbombo inai ne binunu binai, bobo mene bakasumbibua mu ba ha buloba.

Didimanyisha 14:3 交叉引用

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Misambu 149:1

Tumbishayi Maweja-Nangila, Aleluya! Imbilayi Maweja-Nangila musambu mupiamupia. Bantu batumbishe Maweja-Nangila muaba udi bena diende basangile!

Misambu 98:1

Musambu Imbilayi Maweja-Nangila musambu mupiamupia, bualu udi muenze malu a dikema, ne meji ende ne bukole bua bu Mvidi Mukulu buende.

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Misambu 144:9

Mvidi Mukulu wanyi, ndi musue kukuimbila musambu mupiamupia, ndi nkusamuna ne lunzenze lua nshinga dikumi:

Misambu 96:1

Imbilayi Maweja-Nangila, musambu mupiamupia, nuenu bantu ba pa buloba bujima, imbilayi Maweja-Nangila musambu.

Misambu 33:3

Imbilayi Maweja-Nangila musambu mupiamupia, numusekelele ne bisanji, numukobuele!

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

Didimanyisha 7:4

Ke kummanyishabu bungi bua bantu bavuabu batue tshitampi tshia Mvidi Mukulu pa mpala. Bavua binunu lukama makumi anayi ne binayi, ba mu bisamba bionsu bia bena Izrayele.