Didimanyisha 13:11 - MUKANDA WA MYIDI MUKULU

¹¹ Pashishe meme kumona nyama mukuabu upatuka mu buloba. Uvua ne nsengu ibidi bu ya mukoku, wakula bu nyoka wa tshidika.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nakatangila nyama wa luonji mukuabo uhatuka mu buloba, wakadi ne nsengu ibidi mifuane ya muana wa mukoko, ne wakakula bu dragon.

Didimanyisha 13:11 交叉引用

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.

Didimanyisha 16:13

Pashishe meme kumona mikishi mibi isatu, mifuanangane ne ndimba. Ivua ipatuka mukana mua nyoka wa tshidika, mua nyama, ne mua muambi wa dishima.

Didimanyisha 13:17

Muntu nansha umue kavua mua kusumba, nansha kusumbisha, kabayi bamutue tshitampi atshi. Tshitampi atshi tshivua tshibatua dina dia nyama, nansha bungi budi bumvuija dina adi.

Didimanyisha 11:7

Pikala bajadiki bamane kumanyisha bionsu bivua Mvidi Mukulu mubambile, nyama udi upatuka mu kandondu neabaluishe. Neabatshimune, abashipe.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

Danyele 8:3

Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Didimanyisha 13:1

Pashishe meme kumona nyama upatuka mu mayi manene. Uvua ne nsengu dikumi ne mitu muanda mutekete. Ku lusengu luonsu kuvua tshifulu tshia bukalenga. Pa mitu yende bavua bafunde mena a kusendeka nawu Mvidi Mukulu.

Didimanyisha 13:4

Bantu bonsu kutuadija kukukuila nyoka wa tshidika, bualu uvua mufile bumfumu buende kudi nyama. Bavua bakukuila kabidi nyama, bamba ne: “Udi mufuanangane ne nyama nnganyi? Udi mua kuluangana nende nnganyi?”