Didimanyisha 10:5 - MUKANDA WA MYIDI MUKULU

⁵ Pashishe mutumibue umvua mumone muimane kulu, mudiate mu mayi manene ne pa buloba, kuelaye tshianza tshia balume kulu,

Mukanda wa Nzambi Dihungila Dikulukulu ne Dihungila Dihia-dihia 2003

⁵ Ne muanjelo unakatangila muimane ha mai manene ne ha buloba, wakabisha tshianza tshiandi tshia bukole mulu;

Didimanyisha 10:5 交叉引用

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Dielulula 32:40

Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Didimanyisha 16:17

Mutumibue wa muanda mutekete kuitshikija dikopu diende mu kapepe. Diyi dikole kumvuika mu nzubu wa Mvidi Mukulu difumina ku nkuasa wa butumbi, diamba ne: “Ke ndekelu wa bionsu!”

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 10:2

Uvua ne mukanda mukese mubulula mu tshianza, mudiate dikasa dia balume mu mayi manene, dia bakaji pa buloba.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Didimanyisha 4:9

Misangu yonsu idi Bia muoyi binayi bimbila udi musombe mu nkuasa, udi ne muoyi kashidi, bimutumbisha, bimukukuila, bimuela tuasakidila,

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Ekesode 20:11

Bualu meme Maweja-Nangila ndi mufuke diulu, mayi manene ne bionsu bidimu, anu mu matuku asambombu. Meme kuikisha dituku dia muanda mutekete, kudijidila, bua dikale dituku dia Dikisha.

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

Ebrewu 6:13

Pavua Mvidi Mukulu mulaye Abrahame, uvua muditshipe. Bu muvuaku kakuyi muntu mukuabu uvua mumupite bunene bua amone mua kuditshipa, kutela dina dia muntu awu, Mvidi Mukulu uvua muditshipe utela amu dina diende yeye.

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Bienzedi 17:23

Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi.

Yezekiyele 20:5

Ubavuluije miaku indi meme Maweja-Nangila Mvidi Mukulu mbambila ne: “Tshikondu tshimvua musungule bena Izrayele, mvua mutue nabu bonsu ndondu, muditshipe. Mvua mudileje kudibu mu Ejipitu. Mvua mubalaye bua kuikala Maweja-Nangila Mvidi Mukulu wabu.

Misambu 146:5

Muntu udi Mvidi Mukulu wa Yakobe wambuluisha, mutekemene kudi Maweja-Nangila Mvidi Mukulu wende, mmuena diakalenga!

Ekesode 6:8

Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Yezekiyele 47:14

Nudi mua kuabanyangana buloba ne muoyi wa kalolu. Bualu mvua muditshipe bua kufila ditunga dia bena Izrayele kudi bankambua benu. Nanku nudi mua kudipeta bu bumpianyi buenu.

Yezekiyele 36:7

Nanku meme Maweja-Nangila Mvidi Mukulu ndi nnulaya ne: bisamba bidi nenu mutumba ebi nebabikengeshe pabi.

Yezekiyele 20:42

Nuenu kabidi, nenujadike ne: ndi Maweja-Nangila, bualu nennufikishe mu ditunga dia Izrayele dimvua muditshipe, mulaye bua kupesha bankambua benu.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 20:23

Kadi mu tshipela mvua muditshipe ne: nennumuangalaje munkatshi mua bisamba bikuabu mu matunga a bende.

Yezekiyele 20:15

Kadi mu tshipela mvua muditshipe ne: tshiena mua kubafikisha mu ditunga dimpe dimvua mubatekele, didi ne mabele ne buitshi.