Didimanyisha 1:13 - MUKANDA WA MYIDI MUKULU

¹³ Munkatshi muabi muvua tshintu bu muntu, muvuale muntumpu mutue ne ku makasa, musuike mukaba wa mpawungi pa tshiadi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ ne munkatshi mua bitekelu bia minda nakamona mukuabo mufuana muana wa muntu, muluate tshilulu tshifika tô ne ku makasa, ne munyungulula ne mukaba wa ngolo ha tshiadi tshiandi.

Didimanyisha 1:13 交叉引用

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Danyele 10:16

Kadi tshia muoyi tshikuabu, tshifuanangane ne muntu, kundenga ku mishiku. Ke meme kubulula mukana, kuakula tshiakabidi. Meme kuambila muntu uvua muimane kumpala kuanyi ne: ‘Mfumu wanyi, bua bualu ebu budi Mvidi Mukulu mundeje, dibungama ndinkuate. Tshiena ne bukole nansha.

Didimanyisha 15:6

Batumibue muanda mutekete bavua bakuate bipupu muanda mutekete mu bianza, kupatuka mu nzubu wa Mvidi Mukulu amu. Bavua bavuale bilamba bienza ne ndanda mutoke biengelela, basuike mikaba ya mpawungi pa tshiadi.

Didimanyisha 14:14

Meme kutangila kabidi, kumona divuba ditoke, basombapu kudi kampanda, umueneka bu muntu. Uvua ne tshifulu tshia bukalenga tshia mpawungi ku mutu, ne muele mutue mu tshianza.

Lewitiki 8:7

Kuvuadikaye Arone muntumpu, kumusuika mukaba, kumuvuadika muntumpu mulamika tshilamba tshia efode kutshisuikila panyima ne tukaba tuatshi.

Danyele 7:9

“Pamvua ntangila amu kutangila, kutekabu nkuasa ya bukalenga. Mununu kufika, kusombapu. Uvua ne bilamba bitoke bu ndanda. Nsuki yende ivua bu miosa ya mikoku. Nkuasa wende wa bukalenga uvua utema kapia. Uvua ne nkata ikenka bu kapia kakole.

Yeshaya 11:5

Bu mudi muntu ne mukaba musuike mu tshimonu diba dionsu, udi ne muoyi umue, wenza amu bidi bimpe kayi ulekela.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ekesode 39:5

Kutelabu kabidi tukaba tua kusuika tshilamba tshia efode tshia mutuangaji munene. Tukaba atu tuvua tutela ne buanda bua mushindu umue, tulamakane ne tshilamba atshi, bu muvua Maweja-Nangila muambile Moshe.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne: