Dibadika 9:16 - MUKANDA WA MYIDI MUKULU

¹⁶ Matuku onsu bivua amu nanku: divuba dibuikila nzubu, dikenka bu kapia butuku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ditutu diakabuikila nsubu matuku onso, diakakenka bu kahia butuku.

Dibadika 9:16 交叉引用

Nehemya 9:12

Uvua mulombole bantu bebe, mu munya ne divuba dia muinshi, butuku ne dikunji dia kapia, divua ditokesha njila yabu.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

1 Korente 10:1

Bana hetu, ndi musue bua nuvuluke bivua bienzekele bankambua hetu bayua baya ne Moshe. Divuba divua dibalama bonsu. Ke mutotabu basabuke mayi manene Makunze kakuyi bualu.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Misambu 78:14

Mu munya uvua ubalombola mu divuba kumpala kuabu, butuku uvua ubakenkeshila tshimunyi tshia kapia.

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Dielulula 1:33

Kadi Yeye ke uvua munudianjidile mu njila, bua kunukebela muaba wa kuasa mitanda. Nanku butuku uvua nenu mu tshikutu tshia kapia tshivua tshinutokeshila njila, mu munya uvua nenu mu divuba.

Ekesode 40:38

Nanku, mu munya, Maweja-Nangila uvua umuenekela bena Izrayele mu divuba divua dibuikila muaba wa tshijila. Butuku, uvua ubamuenekela mu kapia kavua kakenka muaba awu. Ke muvua luendu lujima lua bena Izrayele nanku.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.