Dibadika 8:8 - MUKANDA WA MYIDI MUKULU

⁸ Pashishe bena Levi nebafile ngombe mulume pamue ne mulambu wa bukula, busambakaja ne mafuta. Kadi wewe newangate ngombe mulume mukuabu bua mulambu wa kubakobolola nawu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bangate muana mulume wa ngombe ne mulambu wandi wa bukula bubotesha busangisha ne manyi, wewe newangate muana mulume wa ngombe mukuabo bu mulambu wa kubuikila nʼau bubi.

Dibadika 8:8 交叉引用

Lewitiki 2:1

“Padi muena Izrayele ulambula Maweja-Nangila mulambu wa bintu bia mu madimi, angate bukula, elepu mafuta, atentekepu ne musenga wa kamonya.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Lewitiki 16:3

“Nenku bua kubuelaye muaba awu, ikale ne ngombe mulume bua mulambu wa kudikobolola nawu kudi Mvidi Mukulu, kabidi ne mukoku wa tshimpanga bua mulambu wa kuosha.

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Lewitiki 4:14

Diakamue padibu bamanye bualu bubi buvuabu benza abu, badi ne bua kudikobolola, balambula Maweja-Nangila ngombe mulume, bua Maweja-Nangila abafuile luse. Badi baya nende kumpala kua ntenta wa kusambakena.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Ekesode 29:3

Ubiteke mu tshisaka tshimue, ubindambule meme Maweja-Nangila pamue ne ngombe mulume ne mikoku ya bimpanga ibidi.

Ekesode 29:1

“Ujidile Arone ne bana bende ba balume ku mudimu wa butuangaji nenku: “Usungule muana wa mukoku mulume umue ne bimpanga bibidi kabiyi kalema pambidi.