Dibadika 8:17 - MUKANDA WA MYIDI MUKULU

¹⁷ Bualu, bamuanabute bonsu ba bena Izrayele too ne ku ba bimuna biabu mbanyi meme Maweja-Nangila. Bituadije dituku dimvua mubutule bamuanabute ba bena Ejipitu, ndi muangate bamuanabute ba bena Izrayele bua bikale banyi ba tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua banʼa bute bonso ba mu Isalele mbanyi, ne ba bantu ne ba nyama, mu dituku dinakashiha banʼa bute bonso ba mu buloba bua Ejipitu nakabajidila kundi.

Dibadika 8:17 交叉引用

Ekesode 13:2

— Muanabute yonsu wa balume wa bena Izrayele, udi mukaji ulela, nansha wa tshimuna, umujidile, ashale wanyi.

Luke 2:23

Bualu mbafunde mu mikenji ya Maweja-Nangila ne: “Muanabute yonsu wa balume nebamujidile mu dina dia Maweja-Nangila.”

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Ebrewu 11:28

Amu bua ditaba, kujadikaye bua kuenza tshibilu tshia Dipita dia Maweja-Nangila. Kutumaye diyi bua bamiamine mashi ku biibi, bua mutumibue wa lufu kashipi banabute ba bena Izrayele.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yezekiyele 20:12

Mvua muele diyi kabidi bua banemeke dituku dia Dikisha, bua kuleja diumvuangana didi pankatshi panyi nabu, bua kubavuluija kabidi ne: meme Maweja-Nangila ndi mubajidile bua bangenzele mudimu.

Misambu 135:8

Yeye kabidi nguvua mubutule bamuanabute ba bantu ne ba nyama mu ditunga dia Ejipitu.

Misambu 105:36

Ku ndekelu, Mvidi Mukulu kushipa banabute bonsu, ba mu meku a bena Ejipitu, bana ba mbediambedi bavuabu balele, bavuabu balele patshivuabu ne bukole.

Misambu 78:51

mu meku a bena Ejipitu, mu ndelanganyi ya bana ba Kame, kubutulaye ba muana buta, bana bavuabu balela kumpala patshivuabu ne bukole.

Dibadika 3:13

Bualu dituku di-mvua mufuishe bamuanabute ba bena Ejipitu, mvua mushiye bamuanabute bonsu ba bena Izrayele too ne ba bimuna biabu ne muoyi bua bikale bianyi. Meme ndi Maweja-Nangila.

Lewitiki 27:26

“Muntu nansha umue kena ne bumfumu bua kulambula mu dina diende yeye nkayende, muanabute wa ngombe, lukungulu lua mbuji, nansha muana wa mukoku to. Bualu nyama yonsu idi mikale banabute, ikadi ya Maweja-Nangila.

Ekesode 29:44

Nenjidile kabidi ntenta wa kusambakena ne muaba wa tshilambuilu. Bu mundi njidila Arone ne bana bende ba balume bua bangenzele mudimu wa butuangaji.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Dibadika 8:18

Kadi ndi musungule bena Levi, bua bapingane pa muaba wa bamuanabute bonsu ba bena Izrayele.