Dibadika 6:20 - MUKANDA WA MYIDI MUKULU

²⁰ Pashishe mutuangaji neele bintu abi mulu, neabinyukule bua kubilambula Maweja-Nangila. Nanku bintu abi nebishale bia mutuangaji. Neangate kabidi tshiadi ne tshibelu bia nyama bu mudi tshibidilu. Pashishe muntu awu udi mua kutuadija kunua maluvu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ muakuidi neabinyukule bu mulambu udibo banyukula ku mpala kua Yehowa, ebi mbintu bia tshijila kudi muakuidi bidi bisangisha ne tshiadi ne tshibelu bidibo banyukula ku mpala kua Yehowa, hashika bualu ebu, Munazi udi mumanye mua kunua nvinyo.

Dibadika 6:20 交叉引用

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Dibadika 5:25

mutuangaji neangate mulambu wa bualu budibu babanda nabu mukaji, udi mukaji awu nawu mu bianza biende, neawele mulu, aunyukule kumpala kua Maweja-Nangila. Pashishe neaye nawu ku tshilambuilu.

Yowanane 19:30

Yezu mumane kunua maluvu awu, kuambaye ne: — Bionsu mbimane kukumbana! Pashishe kuinyikaye mutu, kukula muoyi.

Marke 14:25

Ndi nnujadikila ne: tshiena mua kunua kabidi maluvu a nwinyo too ne ku dituku dindi mua kunua nwinyo mupiamupia mu Bukalenga bua Mvidi Mukulu.

Matayi 26:29

Ndi nnujadikila ne: kutuadija ku mpindiewu, tshiakunua kabidi nwinyo ewu, too ne ku dituku dinganua nenu nwinyo mupiamupia mu Bukalenga bua Tatu wanyi.

Zekâya 10:7

Bena Efrayime nebikale bakole, bu bena mvita ba bukitu. Nebasanke bu bantu bamane kunua maluvu. Pamona bana babu bidi bienzeke ebi, nebasanke. Nebumvue musangelu munda muabu, bua bidi Maweja-Nangila muenze.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Dibadika 18:18

Pashishe munyinyi wa nyama ayi, newikale wenu anu bu munudi nuangata tshiadi ne tshibelu tshia luseke lua balume bia nyama ya milambu ya bobumue.

Lewitiki 23:11

Mutuangaji neabiele mulu, abinyukule kumpala kuanyi, dituku didi dilonda dia Dikisha, bua nupete diakalenga kundi.

Lewitiki 10:15

Nanku, misangu yonsu idibu bosha mafuta pa tshilambuilu kumpala kua Maweja-Nangila, nebafile kabidi tshibelu ne tshiadi, babiela mulu, babinyukule Pashishe wewe ne ndelanganyi yebe, nubiangate, nubidie, bualu mbintu bivua Maweja-Nangila munupe kashidi, bu muvuaye mumane kuamba.

Lewitiki 9:21

Pashishe Arone kuambula biadi bia nyama ne tshibelu tshia ku dia balume dia nyama, kubiela mulu, ubinyukula kumpala kua Mvidi Mukulu, bu muvua Maweja-Nangila muambile Moshe.

Lewitiki 7:34

Maweja-Nangila udi unutumina diyi bua nuenu bena Izrayele, kumusha tshiadi ne tshibelu bia nyama inudi nulambula bu mulambu wa bobumue. Nupeshe mutuangaji Arone ne ndelanganyi yende bintu abi, bualu ke bintu binudi ne bua kubapesha matuku onsu too ne kashidi.”

Lewitiki 7:31

Mutuangaji oshe munyinyi wa mafuta onsu pa tshilambuilu. Kadi tshiadi atshi tshikale tshia Arone ne bana bende ba balume.

Lewitiki 7:30

Neambule yeye mene bionsu bidibu ne bua kulambula Maweja-Nangila: ke munyinyi wa mafuta, ne tshiadi tshia nyama awu. Bele tshiadi tshia nyama atshi mulu, batshinyukule bua kutshilambula.

Lewitiki 7:32

Nudi ne bua kumusha kabidi tshibelu tshia luseke lua balume lua nyama wa mulambu, kutshipesha mutuangaji.

Dibadika 6:21

“Ke mikenji idi itangila muena nazire. Ke bintu bidiye ne bua kulambula Maweja-Nangila. Pikalaye mua kusakidila milambu mikuabu udi mua kuenza. Kadi alambule nangananga bivuaye mumane kulaya bua kudijidila bu muena nazire.”