Dibadika 5:27 - MUKANDA WA MYIDI MUKULU

²⁷ Mukaji munue mayi, bidi ne bua kuenzeka mbiobi ebi: yeye mudinyange bushuwa, mudinge bayende, nanku mayi a bululu neamutue munda, amuwuje difu, ashale nkumba. Nanku neikale tshilejilu tshidi bantu batshipangane natshi, batela dina diende.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Hakamunuisheye mai, hashishe Bikala mukashi muonyibue, bikaleye muenzele mulume wandi bualu bubi, mai adi elesha mulau neabuele munda muandi, neikale a bululu, ne mubidi wandi neutuntumuke, ne tshibelu tshiandi netshibole ne mukashi neikale ne mulau munkatshi mua bana babo.

Dibadika 5:27 交叉引用

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 29:18

Nembalondakaje ne mvita, ne tshiyole tshia nzala, kabidi ne disama dia tshiambu. Nanku bena mu makalenga onsu a pa buloba nebakuatshike bonsu bowa. Nebabatangile bu bantu badibu bela mulawu. Bantu nebabaseke, bikale batela dina diabu bua kuditshipa nadi.

Zekâya 8:13

Nuenu bena mu bukalenga bua Yuda ne bua Izrayele, nuvua tshilejilu tshia bantu batshipa munkatshi mua bisamba bikuabu. Mpindiewu ndi nnusungidila, nenuikale tshilejilu tshia badibu bela lupemba. Kanutshinyi kabidi! Kolayi muoyi!”

Yirmeya 44:12

‘Nengangate bena Yuda bavua bashale, baye kusokoma mu Ejipitu. Bonsu nebafue. Mu ditunga edi ke muafuilabu bonsu nansha ku mvita, nansha ku tshiyole tshia nzala. Muntu kakushala ne muoyi to. Eyowa, nebafue nanku. Bantu nebabateke tshilejilu tshia kutshipa natshi, tshia kukuatshisha natshi bowa, tshia kufuisha natshi bundu.

Yirmeya 29:22

Bantu bonsu ba mu Yuda bavuabu baye nabu mu bupika mu Babilone, nebele bantu mulawu, batele mena abidi aa, bamba ne: ‘Maweja-Nangila akunyoke nuwuaye munyoke Sedekiya ne Akaba. Mukalenga wa Babilone, mmuboshishe mu kapia batshikale ne muoyi!’

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

2 Petro 2:10

Neanyoke nangananga badi balonda majinga mabi a buntu buabu panu, babenga bumfumu bua Mvidi Mukulu. Balongeshi ba dishima bamvua mubambile aba, badi bantu ba dikamakama, badiambi. Kabena banemeka bifukibue bia lumu bidi mu diulu, kadi badi babipetula.

2 Korente 2:16

Bua badi bajimina, dipembu adi didi diumvuika mupuya mubi udi ufila lufu. Bua badi mu njila wa lupandu, dipembu adi didi diumvuika mupuya muimpe udi ufila muoyi. Nanku udi ne bukole bua kukumbaja mudimu wa mushindu ewu nnganyi?

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Muambi 7:26

Ndi mumone ne: mukaji udi uteya bantu mmupite lufu ku bululu. Dinanga diende didi bu bukondu. Maboku ende adi akusuika bu nkanu. Muntu udi wenza tshidi Mvidi Mukulu musue, udi upanduka kudi mukaji ewu. Kadi muenji wa bibi nebamukuate kudi mukaji ewu.

Dibadika 5:20

Kadi pikala mulume mukuabu mukubuelele mu nzubu, wewe mudinyange, mudinge bayebe,

Dibadika 5:28

Kadi pikalaye kayi mumanye bualu, kayi mudinyange, mayi a bululu aa kaena amuenzela bualu to. Nealele bana.

Misambu 109:18

Ikale muntu wa mulawu, mulawu umubuele munda bu mayi, umubuele mu mifuba bu mafuta!