Dibadika 4:33 - MUKANDA WA MYIDI MUKULU

³³ Ke midimu idi bena Merari ne bua kuenza mu ntenta wa kusambakena. Itamare, muana wa mutuangaji Arone, neikale ubalombola.”

Mukanda wa Nzambi Dihungila Dikulukulu ne Dihungila Dihia-dihia 2003

³³ Eu udi mudimu wa meku a bana balume ba Melali, udibo benza mu ntenta wa kusambakena, ku tshianza tshia Itamâ, muana mulume wa Alona muakuidi.

Dibadika 4:33 交叉引用

Dibadika 4:28

Ke midimu idi bena Ngershone ne bua kuenza mu ntenta wa kusambakena. Itamare, muana wa mutuangaji Arone, neikale ubalombola.”

Yeshaya 3:6

Bantu nebakuate muanabu wa mu tshiota, nebamuambile ne: “Wikale mfumuetu, bualu utshidi ne tshinkutu. Akaja ditunga dietu didi dinyanguke.”

Yoshua 3:6

Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.

Dibadika 4:32

kuambula makunji a ku lupangu ne bitaku biawu, milonda ne mionji ne bintu bionsu bidibu nabi mudimu. Batuangaji nebaleje muntu yonsu tshintu tshidiye mua kuambula.

Dibadika 4:34

Nanku, Moshe ne Arone ne balombodi ba bena Izrayele, kubadika bantu ba bisamba bisatu bia bena Levi: tshisamba tshia Ngershone, tshia Kekate ne tshia Merari, bilondeshile meku abu ne bisamba biabu. Kufundabu mena a bantu balume bonsu bavua ne bidimu bituadije ku makumi asatu too ne ku makumi atanu, bavua ne bua kuenza midimu mishilangane ya mu ntenta wa kusambakena. Bantu bonsu bavuabu babadike, bu muvua Maweja-Nangila muambile Moshe, bavua bungi nunku: bena Kekate bavua 2.750; bena Ngershone bavua 2.630; bena Merari bavua 3.200; bena Levi bonsu bavua 8.580.

Ekesode 38:21

Pashishe Moshe kutumina bena Izrayele diyi, bua babale bintu bionsu bivuabu benza nabi mudimu mu nzubu wa tshijila. Muaba awu, ke uvuabu bateka mushete wa ndondu uvua ne mabue a mikenji. Itamare, muana wa mutuangaji Arone, ke uvua ulombola bena Levi bavua babala bintu ebi.

Dibadika 7:8

Kupeshaye kabidi bena Merari, matempu anayi ne ngomba muanda mukulu, bua mudimu udibu benza ku bulombodi bua Itamare, muana wa Arone.